Karnataka Elections 2023 : ನನ್ನ ಬಳಿ ಹಂಚಲು ದುಡ್ಡಿಲ್ಲ; ಯಾರೂ ನನ್ನ ಕಿಡ್ನಾಪ್‌ ಕೂಡಾ ಮಾಡಿಲ್ಲ - ಪ್ರದೀಪ್‌ ಈಶ್ವರ್‌

ಚಿಕ್ಕಬಳ್ಳಾಪುರ : ನನ್ನ ಬಳಿ ಹಂಚಲು ದುಡ್ಡಿಲ್ಲ. ಎಲ್ಲಿಂದ ದುಡ್ಡು ತರಲಿ. ಹೀಗಾಗಿ ಯಾರಿಗೂ ಹಣ ಕೊಟ್ಟಿಲ್ಲ. ಕೆಲವು ನಾಯಕರು ಡಬಲ್‌ ಗೇಮ್‌ ಆಡಿದ್ದಾರೆ. ಅವರನ್ನು ನಾನೇ ದೂರ ಇಟ್ಟಿದ್ದೇನೆ ಎಂದು ಕಾಂಗ್ರೆಸ್‌ ಅಭ್ಯರ್ಥಿ ಪ್ರದೀಪ್‌ ಈಶ್ವರ್‌ ಹೇಳಿದ್ದಾರೆ.ಮಂಗಳವಾರ ರಾತ್ರಿಯಿಂದ ಪ್ರದೀಪ್‌ ಈಶ್ವರ್‌ ಮೊಬೈಲ್‌ ಸ್ವಿಚ್‌ ಆಫ್‌ ಮಾಡಿಕೊಂಡು ಯಾರ ಕೈಗೂ ಸಿಗುತ್ತಿಲ್ಲ. ಅವರ ಎಲ್ಲೂ ಕಾಣುತ್ತಿಲ್ಲ ಎಂದು ಸುದ್ದಿಯಾಗಿತ್ತು. ಬುಧಾವಾರ ಬೆಳಗ್ಗೆ ಪೆರೇಸಂದ್ರ ಮತಗಟ್ಟೆ ಬಳಿ ಕಾಣಿಸಿಕೊಂಡ ಪ್ರದೀಪ್‌ ಈಶ್ವರ್‌ ಮಾತನಾಡಿ, "ನನ್ನನ್ನು ಯಾರೂ ಕಿಡ್ನಾಪ್‌ ಮಾಡಿಲ್ಲ ನಾನು ಪೆರೇಸಂದ್ರದಲ್ಲಿ ಇದ್ದೆ'' ಎಂದು ಸ್ಪಷ್ಟಪಡಿಸಿದ್ದಾರೆ.

ಗಾಸಿಪ್‌ ನಂಬಬೇಡಿ; ಫೋನ್‌ ಟ್ರಾಪ್‌ ಆಗಿತ್ತು

ನನ್ನ ವಿರೋದಿಗಳ ಹರಡಿಸಿರುವ ಗಾಸಿಪ್‌ ನಂಬಬೇಡಿ. ನನ್ನನ್ನ ಯಾರು ಕಿಡ್ನಾಪ್ ಮಾಡಿಲ್ಲ. ನಾನು ರಾತ್ರಿಯೆಲ್ಲ ಪೆರೇಸಂದ್ರದಲ್ಲೇ ಇದ್ದೆ. ಮನೆ ಮನೆಗೂ ಭೇಟಿ ನೀಡಿ ಮತ ಕೇಳಿದ್ದೇನೆ. ರಾತ್ರಿ 1 ಗಂಟೆವರೆಗೂ ಕೆಲವು ಮುಖಂಡರುಗಳೊಂದಿಗೆ ಮಾತುಕತೆ ಮಾಡಿದ್ದೇನೆ. ಆನಂತರ ಫೋನ್‌ ಟ್ರ್ಯಾಪ್‌ ಆಗಿದ್ದ ಕಾರಣ ಕೆರೆಗಳನ್ನು ಸ್ವೀಕರಿಸಲು ಆಗಲಿಲ್ಲ ಎಂದರು.

ಬಿಜೆಪಿಯಲ್ಲಿ ಮಾತ್ರ ಲಿಂಗಾಯತರು ಸಿಎಂ ಆಗಲು ಸಾಧ್ಯ, ಕಾಂಗ್ರೆಸ್ ನದ್ದು ಮೊಸಳೆ ಕಣ್ಣೀರು ಅಷ್ಟೇ: ಸಚಿವ ಸುಧಾಕರ್‌

ಅಕ್ಕನ ಮನೆ ಮೇಲೆ ಐಟಿ ದಾಳಿ

" ಪೆರೇಸಂದ್ರದ ನಮ್ಮ ಅಕ್ಕನ ಮನೆ ಮೇಲೆ ಐಟಿ ದಾಳಿಯಾಗಿದೆ. ಏನು ಸಿಗದೆ ವಾಪಸ್‌ ಹೋಗಿದ್ದಾರೆ. ನನ್ನ ಬಳಿ ದುಡ್ಡು ಕೊಡಲು ಹಣವಿಲ್ಲ. ನನ್ನ ಬಳಿ ಇದ್ದಿದ್ದೆ 27 ಲಕ್ಷ ರೂಪಾಯಿ. ಕೆಲವರ ಬಳಿ ಸಾಲ ಮಾಡಿಕೊಂಡಿದ್ದೇನೆ. ದುಡ್ಡು ಎಲ್ಲಿಂದ ತೆಗೆದುಕೊಂಡು ಬಂದು ಕೊಡೋಣ. ಪ್ರಾಮಾಣಿಕ ಸೇವೆಗಾಗಿ ಚುನಾವಣೆಗೆ ನಿಂತಿದ್ದೇನೆ. ನಾನೇ ಗೆಲ್ಲುತ್ತೇನೆ. ನಾನು ಶಾಸಕನಾಗುವುದು ಖಚಿತ " ಎಂದು ತಿಳಿಸಿದರು.

ಕೆಲವರು ನಂಬಿಕೆ ದ್ರೋಹ

" ನಾನು ಪೆರೇಸಂದ್ರದಲ್ಲಿ ವೋಟ್‌ ಮಾಡಿದ್ದೇನೆ. ಎಲ್ಲ ಕಡೆ ಕಾಂಗ್ರೆಸ್‌ ಬಗ್ಗೆ ಒಳ್ಳೆಯ ಒಲವಿದೆ. ನನ್ನ ಜತೆಗೆ ಇದ್ದು ಕೆಲವರು ನಂಬಿಕೆ ದ್ರೋಹ ಕೆಲಸ ಮಾಡಿದ್ದಾರೆ. ಅದಕ್ಕೆ ಅವರನ್ನ ನಾನು ದೂರ ಇಟ್ಟಿದ್ದೀನಿ. ಯಾರು ನನ್ನ ಪರ ಕೆಲಸ ಮಾಡುತ್ತಿದ್ದಾರೋ ಅವರ ಜೊತೆ ಇದ್ದೇನೆ. ನೂರಾರು ಕಾರ್ಯಕರ್ತರು ನನ್ನ ಪರ ಕೆಲಸ ಮಾಡಿದ್ದಾರೆ ಅವರಿಗಾಗಿ ನಾನು ಶ್ರಮಿಸುತ್ತಿದೇನೆ " ಎಂದರು.

ನಾನು ಶಾಸಕನಾಗುವೆ ಪ್ರತಿ ಮನೆಗೂ ಭೇಟಿ ನೀಡುವೆ

ಮೇ 13 ರಂದು ನಾನು ಶಾಸಕನಾಗುತ್ತೇನೆ. ಮೇ 16ರ ನಂತರ ಕ್ಷೇತ್ರದ ಪ್ರತಿ ಮನೆಗೂ ಭೇಟಿ ಕೊಡುತ್ತೇನೆ. ನಾನು ಈಗಾಗಲೇ ಸ್ಟಾರ್‌ ಆಗಿದ್ದೇನೆ. ಜನರನ್ನು ಸ್ಟಾರ್‌ ಮಾಡಲು ನಾನು ಹೊರಟಿದ್ದೇನೆ. ನನಗೆ ಈ ಬಾರಿ ಚುನಾವಣೆಯಲ್ಲಿ ಗೆಲುವು ಸಿಕ್ಕೆ ಸಿಗುತ್ತದೆ ಎಂದು ಕಾಂಗ್ರೆಸ್‌ ಅಭ್ಯರ್ಥಿಯಾಗಿರುವ ಪ್ರದೀಪ್‌ ಈಶ್ವರ್‌ ವಿಶ್ವಾಸ ವ್ಯಕ್ತಪಡಿಸಿದರು. ಈ ಬಾರಿ ಚುನಾವಣೆಯಲ್ಲಿ ಹೊಸ ಅಭ್ಯರ್ಥಿಯಾಗಿ ಕಣಕ್ಕಿಳಿದಿರುವ ಪ್ರದೀಪ್‌ ಈಶ್ವರ್‌ ತಮ್ಮ ವಿಶೇಷ ಪ್ರಚಾರ/ ಹೇಳಿಕೆಗಳಿಂದ ಸಾಕಷ್ಟು ಸದ್ದು ಮಾಡಿದ್ದರು.