ವಿದ್ಯುತ್‌ ಅವಘಡ; ಬಣವೆಗೆ ಬೆಂಕಿ

ಚಿಂತಾಮಣಿ: ವಿದ್ಯುತ್‌ ತಂತಿಗಳ ಘರ್ಷಣೆಯಿಂದ ಹುಲ್ಲಿನ ಬವಣೆಗೆ ಬೆಂಕಿಯ ಕಿಡಿ ಸೋಂಕಿ ಬೆಂಕಿ ಹತ್ತಿಕೊಂಡು ಸುಮಾರು ಎರಡು ಟ್ರ್ಯಾಕ್ಟರ್‌ ಲೋಡ್‌ನಷ್ಟು ಹುಲ್ಲು ಬೆಂಕಿಗೆ ಅಹುತಿಯಾದ ಘಟನೆ ತಾಲೂಕಿನ ಮುರಗಮಲ್ಲ ಹೋಬಳಿಯ ಪೆದ್ದೂರು ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ತುಮ್ಮಲಹಳ್ಳಿಯಲ್ಲಿ ನಡೆದಿದೆ.

ಗ್ರಾಮದ ಯರ್ರಮ್ಮಗಾರಿ ರಾಮಕೃಷ್ಣಪ್ಪ ಎನ್ನುವವರಿಗೆ ಸೇರಿದ ಹುಲ್ಲಿನ ಬಣವೆಗೆ ಬೆಂಕಿ ಬಿದ್ದು, ಸುಮಾರು 35 ಸಾವಿರಕ್ಕೂ ಹೆಚ್ಚು ಬೆಲೆ ಬಾಳುವ ಹುಲ್ಲಿನ ಬಣವೆ ಸಂಪೂರ್ಣವಾಗಿ ಭಸ್ಮವಾಗಿದೆ.