ಅಪರಿಚಿತ ಮಹಿಳೆ ಕೊಲೆ: ಅತ್ಯಾಚಾರದ ಶಂಕೆ

ಬಾಗೇಪಲ್ಲಿ: 35 ವರ್ಷದ ವಿವಾಹಿತ ಅಪರಿಚಿತ ಮಹಿಳೆಯನ್ನು ಕೊಲೆ ಮಾಡಿರುವ ಪ್ರಕರಣ ತಾಲೂಕಿನ ಪರಗೋಡು ಗ್ರಾಮದ ಸರಕಾರಿ ಪ್ರೌಢಶಾಲೆ ಆವರಣದಲ್ಲಿ ನಡೆದಿದೆ.

ಸಾಮೂಹಿಕ ಆತ್ಯಾಚಾರ ಮಾಡಿ ಕೃತ್ಯವನ್ನು ಮರೆಮಾಚಲು ಮಹಿಳೆಯನ್ನು ಕೊಲೆ ಮಾಡಿರುವ ಶಂಕೆ ಪೊಲೀಸರನ್ನು ಕಾಡುತ್ತಿದ್ದು, ಶವಪರೀಕ್ಷೆ ನಂತರ ಕೊಲೆಯ ರಹಸ್ಯ ಬಯಲಿಗೆ ಬರಲಿದೆ. ಈ ಸಂಬಂಧ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ. ಈ ಹಿಂದೆ ಮೃತ ಮಹಿಳೆ ಹಲವು ಚಾಲಕರೊಂದಿಗೆ ಸಲಿಗೆಯಿಂದ ಇರುತ್ತಿದ್ದಳು ಎಂದು ತಿಳಿದು ಬಂದಿದ್ದು, ಆಂಧ್ರಪ್ರದೇಶದ ಅನಂತಪುರ ಜಿಲ್ಲೆಯವಳಿರಬಹುದು ಎಂದು ಶಂಕಿಸಲಾಗಿದೆ.