ದಾರುಣ: ಮಗು ಸಮೇತ ಆತ್ಮಹತ್ಯೆಗೆ ಯತ್ನಿಸಿ ಕೈಕಾಲು ಕಳೆದುಕೊಂಡ ತಾಯಿ

ಚಿಂತಾಮಣಿ : ಕೌಟುಂಬಿಕ ಕಲಹದಿಂದ ಬೇಸತ್ತ ತಾಯಿಯೊಬ್ಬಳು ಆತ್ಮಹತ್ಯೆಗೆ ಯತ್ನಿಸಿ ಕೈಕಾಲು ಕಳೆದುಕೊಂಡ ದಾರುಣ ಘಟನೆ ತಾಲೂಕಿನ‌ ಕರಿಯಪಲ್ಲಿ ಬಳಿ ನಡೆದಿದೆ. ಮಗುವಿಗೂ ಗಂಭೀರ ಗಾಯಗಳಾಗಿದ್ದು ಇಬ್ಬರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಆತ್ಮಹತ್ಯೆಗೆ ಯತ್ನಿಸಿದ ಮಹಿಳೆಯನ್ನು ಪಲ್ಲಿಗಡ್ಡ ಗ್ರಾಮದ ಚಂದ್ರಕಲಾ ಮತ್ತು ಆಕೆಯ ಮಗುವನ್ನು ದಿವ್ಯಶ್ರೀ ಎಂದು ಗುರುತಿಸಲಾಗಿದೆ.

ಪತಿಯೊಂದಿಗಿನ ಮನಸ್ತಾಪದಿಂದ ನೊಂದಿದ್ದ ಚಂದ್ರಕಲಾ ಇಂದು ಮುಂಜಾನೆ 6 ಗಂಟೆ ಸುಮಾರಿಗೆ ರೈಲ್ವೆ ಹಳಿಯ ಮೇಲೆ ಮಲಗಿ ಆತ್ಮಹತ್ಯೆಗೆ ಯತ್ನಿಸಿದ್ದಾರೆ. ರೈಲು ಬರುತ್ತಿದ್ದಂತೆ ಅದರಡಿಗೆ ಹಾರಿದ ಆಕೆಯ ಕೈಕಾಲು ಮುರಿದಿದ್ದು , ಮಗುವಿಗೆ ಕೂಡ ಗಂಭೀರ ಗಾಯಗಳಾಗಿವೆ.

ವಿಷಯ ತಿಳಿದು ಸ್ಥಳಕ್ಕೆ ಧಾವಿಸಿದ ಚಿಂತಾಮಣಿ ರೈಲು ನಿಲ್ದಾಣದ ಅಧಿಕಾರಿ ಅಮರೇಶ್ ಮತ್ತು ಕೀ ಮ್ಯಾನ್ ನಾರಾಯಣ ಸ್ವಾಮಿ ತಾಯಿ ಮಗುವನ್ನು ನಗರದ ಸಾರ್ವಜನಿಕ ಆಸ್ಪತ್ರೆಗೆ ಸೇರಿಸಿದ್ದಾರೆ.

ಬಾರದ ಕುಟುಂಬಸ್ಥರು : ಚಂದ್ರಕಲಾ ಆತ್ಮಹತ್ಯೆಗೆ ಬಗ್ಗೆ ಪತಿ ಅಮರನಾಥ ರವರಿಗೆ ದೂರವಾಣಿ ಮೂಲಕ‌ ಮಾಹಿತಿ ನೀಡಿದರೂ ಸ್ಥಳಕ್ಕೆ ಬಾರದೇ ಇರುವುದು ಹಲವು ಅನುಮಾನಗಳಿಗೆ ಎಡೆಮಾಡಿಕೊಟ್ಟಿದೆ.