ತಾಲೂಕಿನಲ್ಲಿ 26 ಸ್ಮಾರ್ಟ್‌ ಕ್ಲಾಸ್‌ ಆರಂಭ

ನರಸಿಂಹರಾಜಪುರ : ಶಿಕ್ಷ ಣದಲ್ಲಿ ಕ್ರಾಂತಿಯಾಗುತ್ತಿದ್ದು ತಾಲೂಕಿನ 26 ಸರಕಾರಿ ಶಾಲೆಯಲ್ಲಿ ಸ್ಮಾರ್ಟ್‌ ಕ್ಲಾಸ್‌ ಪ್ರಾರಂಭಗೊಂಡಿದೆ ಎಂದು ಕ್ಷೇತ್ರ ಶಿಕ್ಷ ಣಾಧಿಕಾರಿ ಪಿ.ನಾಗರಾಜ್‌ ತಿಳಿಸಿದರು.

ತಾಲೂಕಿನ ಸೀತೂರಿನ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸ್ಮಾರ್ಟ್‌ ಕ್ಲಾಸ್‌ ಹಾಗೂ ಇಂಗ್ಲಿಷ್‌ ಸಂಪನ್ಮೂಲ ಕೊಠಡಿ ಉದ್ಘಾಟನೆ ಸಮಾರಂಭದಲ್ಲಿ ಇಂಗ್ಲಿಷ್‌ ಸಂಪನ್ಮೂಲ ಕೊಠಡಿ ಉದ್ಘಾಟಿಸಿ ಅವರು ಮಾತನಾಡಿದರು.

ಈಗಾಗಲೇ ತಾಲೂಕಿನ ಶೇ.70ರಷ್ಟು ಶಾಲೆಗಳಿಗೆ ಆಧುನಿಕ ತಂತ್ರಜ್ಞಾನ ಅಳವಡಿಸಲಾಗಿದೆ. 5ರಿಂದ 7ನೇ ತರಗತಿ ಮಕ್ಕಳಿಗಾಗಿ ಸ್ಮಾರ್ಟ್‌ ಕ್ಲಾಸ್‌ ಪ್ರಾರಂಭಿಸಲಾಗಿದೆ. ವಿಡಿಯೋ ಪಾಠದಿಂದ ಮಕ್ಕಳಲ್ಲಿ ಹೆಚ್ಚು ಪರಿಣಾಮ ಬೀರಲಿದೆ. ಗುಣಮಟ್ಟದ ಶಿಕ್ಷ ಣ ಸಿಗಲಿದೆ ಎಂದರು.

ಈಗಾಗಲೇ ರಾಜ್ಯದ 1 ಸಾವಿರ ಸರಕಾರಿ ಶಾಲೆಗಳಲ್ಲಿ ಎಲ್‌ಕೆಜಿ ಮಂಜೂರು ಮಾಡಲಾಗಿದೆ. ಪೋಷಕರು ಇಷ್ಟ ಪಟ್ಟರೆ ಉಳಿದ ಶಾಲೆಗಳಿಗೂ ಅಂಗನವಾಡಿ ಜತೆಯಲ್ಲೇ ಎಲ್‌ಕೆಜಿ ಪ್ರಾರಂಭಿಸಬಹುದು ಎಂದು ಹೇಳಿದರು.

ಸ್ಮಾರ್ಟ್‌ ಕ್ಲಾಸ್‌ ಉದ್ಘಾಟಿಸಿದ ಸೀತೂರು ಗ್ರಾ.ಪಂ. ಅಧ್ಯಕ್ಷ ಎನ್‌.ಪಿ.ರಮೇಶ್‌ ಮಾತನಾಡಿ,ಖಾಸಗೀ ಶಾಲೆಗಳ ಪೈಪೋಟಿ ನಡುವೆ ಸ್ಮಾರ್ಟ್‌ ಕ್ಲಾಸ್‌ ಪ್ರಾರಂಭಿಸಿರುವುದು ಒಳ್ಳೆಯ ಬೆಳವಣಿಗೆ. ಸೀತೂರು, ಬೆಳ್ಳೂರು ಹಾಗೂ ಮಲ್ಲಂದೂರು ಶಾಲೆಯಲ್ಲಿ ಸ್ಮಾರ್ಟ್‌ ಕ್ಲಾಸ್‌ ಪ್ರಾರಂಭಗೊಂಡಿದೆ. ಎಲ್ಲಾ ಶಾಲೆಗಳಿಗೂ ಕುಡಿಯುವ ನೀರು ಸೇರಿದಂತೆ ಮೂಲ ಸೌಕರ್ಯ ಒದಗಿಸಲಾಗಿದೆ ಎಂದರು.

ಸೀತೂರು ಮಾಜಿ ಮಂಡಳ ಪ್ರಧಾನ ಎಸ್‌.ಡಿ.ವಿ.ಗೋಪಾಲರಾವ್‌, ಶಾಲೆಯ ದಾನಿಗಳಾದ ಎಸ್‌.ಉಪೇಂದ್ರ ಮಾತನಾಡಿದರು.

ಸೀತೂರು ಶಾಲೆಯ ಎಸ್‌ಡಿಎಂಸಿ ಅಧ್ಯಕ್ಷೆ ವಿಶಾಲಾಕ್ಷಿ ಸಭೆ ಅಧ್ಯಕ್ಷ ತೆ ವಹಿಸಿದ್ದರು. ತಾಲೂಕು ಪ್ರಾಥಮಿಕ ಶಾಲೆಯ ಶಿ.ಸಂಘದ ಕಾರ್ಯದರ್ಶಿ ತಿಮ್ಮೇಶ್‌, ಸಂಘದ ಉಪಾಧ್ಯಕ್ಷ ಬೋಗೇಶಪ್ಪ, ಸಂಘದ ನಾಮ ನಿರ್ದೇಶಿತ ಸದಸ್ಯ ಪ್ರಕಾಶ್‌ ಉಪಸ್ಥಿತರಿದ್ದರು.

ಇದೇ ಸಂದರ್ಭದಲ್ಲಿ ಕ್ಷೇತ್ರ ಶಿಕ್ಷ ಣಾಧಿಕಾರಿ ಪಿ.ನಾಗರಾಜ್‌ ಹಾಗೂ ಕಳೆದ ವರ್ಷದ ರಾಜ್ಯ ಮಟ್ಟದ ಉತ್ತಮ ಶಿಕ್ಷ ಕ ಪ್ರಶಸ್ತಿ ವಿಜೇತ ತಿಮ್ಮೇಶ್‌ ಅವರನ್ನು ಶಾಲೆ ವತಿಯಿಂದ ಸನ್ಮಾನಿಸಲಾಯಿತು. ಶಿಕ್ಷ ಕಿ ಶಿಲ್ಪಕುಮಾರಿ ಸ್ವಾಗತಿಸಿದರು. ಶಾಲೆ ಮುಖ್ಯಶಿಕ್ಷಕ ಸುರೇಶ್‌ ನಿರೂಪಿಸಿದರು.

ಪಠ್ಯ ಪುಸ್ತಕಕ್ಕೆ ಬಾರ್‌ ಕೋಡ್‌: ಸರಕಾರಿ ಶಾಲೆಗಳ 5ರಿಂದ 10ನೇ ತರಗತಿಯ ಇಂಗ್ಲಿಷ್‌ ಹಾಗೂ ಕನ್ನಡ ಮೀಡಿಯಂ ಪ್ರತಿ ಪಠ್ಯಪುಸ್ತಕದ ಪ್ರತಿ ಪುಟದಲ್ಲೂ ಕ್ಯೂಆರ್‌ ಬಾರ್‌ ಕೋಡ್‌ ನೀಡಲಾಗಿದೆ. ಹಾಗೂ ಈಗಾಗಲೇ ಶಿಕ್ಷ ಣ ಇಲಾಖೆಯಿಂದ ದೀಕ್ಷಾ ಎಂಬ ಆ್ಯಪ್‌ ಪ್ರಾರಂಭಿಸಿದ್ದು, ತಮ್ಮ ಸ್ಮಾರ್ಟ್‌ ಪೋನ್‌ನ ಪ್ಲೇ ಸ್ಟೋರ್‌ನಲ್ಲಿ ಈ ವೆಬ್‌ ಸೈಟ್‌ನ್ನು ಡೌನ್‌ಲೋಡ್‌ ಮಾಡಿಕೊಳ್ಳಿ. ನಂತರ ಪಠ್ಯಪುಸ್ತಕದಲ್ಲಿರುವ ಬಾರ್‌ ಕೋಡನ್ನು ಸ್ಕ್ಯಾ‌ನ್‌ ಮಾಡಿದರೆ ಆ ಪಾಠದ ಅಧ್ಯಾಯದ ವಿಡಿಯೋ ನಿಮ್ಮ ಮೊಬೈಲ್‌ ನಲ್ಲಿ ನೋಡಬಹುದು. ಈ ಸೌಲಭ್ಯ ಸರಕಾರಿ ಶಾಲೆ ಪಠ್ಯಪುಸ್ತಕದಲ್ಲಿ ಮಾತ್ರ ಲಭ್ಯವಿದೆ. -ಪಿ.ನಾಗರಾಜ್‌, ಕ್ಷೇತ್ರ ಶಿಕ್ಷ ಣಾಧಿಕಾರಿ