ಕಾಫಿ ನಾಡಿಗೆ ಶಾಕ್‌ ನೀಡಿದ ಮುಂಬಯಿ: ಒಂದೇ ದಿನ ಐವರಲ್ಲಿ ಕೊರೊನಾ ಸೋಂಕು

ಚಿಕ್ಕಮಗಳೂರು: ಗ್ರೀನ್‌ ಝೋನ್‌ ಆಗಿ ನೆಮ್ಮದಿಯಿಂದ ಇದ್ದ ಜಿಲ್ಲೆಯ ಜನತೆಗೆ ಕೊರೊನಾ ವೈರಸ್‌ ಬರ ಸಿಡಿಲಿನಂತೆ ಎರಗಿದೆ. ಒಂದೇ ದಿನ ಮಲೆನಾಡು ಜಿಲ್ಲೆಯಲ್ಲಿ ಐವರಲ್ಲಿ ಕೋವಿಡ್‌ 19 ಸೋಂಕು ಪತ್ತೆಯಾಗಿದೆ.

ಬೆಳಗ್ಗೆ ಇಬ್ಬರಲ್ಲಿ ಕಾಣಿಸಿಕೊಂಡಿದ್ದ ವೈರಾಣು ಮತ್ತೆ ಮೂವರಲ್ಲಿ ಕಾಣಿಸಿಕೊಂಡಿದೆ. ಈ ಮೂರೂ ಪ್ರಕರಣಗಳು ಮುಂಬಯಿಯಿಂದ ಬಂದವರು ಎಂದು ತಿಳಿದುಬಂದಿದೆ.

ಮಹಾರಾಷ್ಟ್ರ ರಾಜಧಾನಿ ಮುಂಬಯಿಯಿಂದ ಬಂದ ಚಿಕ್ಕಮಗಳೂರು ಜಿಲ್ಲೆ ಎನ್.ಆರ್.ಪುರ ಮೂಲದ 7 ವರ್ಷದ ಹುಡುಗ, 10 ವರ್ಷದ ಹುಡುಗ ಹಾಗೂ 17 ವರ್ಷದ ಯುವತಿಗೆ ಕೊರೊನಾ ವೈರಸ್‌ ಪಾಸಿಟಿವ್‌ ಸೋಂಕು ತಗುಲಿರುವುದು ಧೃಡಪಟ್ಟಿದೆ.

ಗ್ರೀನ್‌ ಝೋನ್‌ ಚಿಕ್ಕಮಗಳೂರಿಗೂ ಎಂಟ್ರಿ ಕೊಟ್ಟ ಕೊರೊನಾ: ವೈದ್ಯಾಧಿಕಾರಿಗೆ ಸೋಂಕು!

ಬೆಳಗ್ಗೆಯಷ್ಟೇ ಮೂಡಿಗೆರೆ ತಾಲೂಕಿನ ವೈದ್ಯರಲ್ಲಿ ಹಾಗೂ ಮುಂಬಯಿಯಿಂದ ಬಂದಿದ್ದ ತರೀಕೆರೆ ಪಟ್ಟಣದ ಗರ್ಭಿಣಿಯಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿತ್ತು. ರಾಜ್ಯದ ಪೈಕಿ ಹಸಿರು ಕಿರೀಟ ಉಳಿಸಿಕೊಂಡಿದ್ದ ಕೆಲವೇ ಕೆಲವು ಜಿಲ್ಲೆಗಳಲ್ಲಿ ಒಂದಾಗಿದ್ದ ಚಿಕ್ಕಮಗಳೂರಿಗೆ ಮೇ 19ರಂದು ಒಂದೇ ದಿನ ಐವರಲ್ಲಿ ಕೊರೊನಾ ಸೋಂಕು ಕಾಣಿಸಿಕೊಂಡಿದೆ. ಅದರಲ್ಲಿ ನಾಲ್ವರು ಮುಂಬಯಿಯಿಂದ ಬಂದವರು.

ಚಿಕ್ಕಮಗಳೂರು ಜಿಲ್ಲೆಗೂ ವಕ್ಕರಿಸಿದ ಕೊರೊನಾ: ಒಂದೇ ದಿನ ಇಬ್ಬರಲ್ಲಿ ಸೋಂಕು