ಐದು ಸಾವಿರ ಲಂಚ ಪಡೆದ ಅಧಿಕಾರಿ ಎಸಿಬಿ ಬಲೆಗೆ

ಚಿಕ್ಕಮಗಳೂರು: ಜಿಲ್ಲೆಯ ಕಡೂರಿನಲ್ಲಿ ಎಸಿಬಿ ದಾಳಿ ನಡೆದಿದ್ದು ಡಾ.ಬಿ.ಆರ್.ಅಂಬೇಡ್ಕರ್ ಅಭಿವೃದ್ಧಿ ನಿಗಮದ ತಾಲ್ಲೂಕು ಅಭಿವೃದ್ಧಿ ಅಧಿಕಾರಿ ಎಸಿಬಿ ಬಲೆಗೆ ಬಿದ್ದಿದ್ದಾರೆ.

ಉದ್ಯಮ ಶೀಲತಾ ತಪಾಸಣಾ ವರದಿ ಪತ್ರ ನೀಡಲು ಹಣ ಬೇಡಿಕೆ ಇಟ್ಟಿದ್ದ ಅಧಿಕಾರಿ ಬೋರಯ್ಯನ ವಿರುದ್ಧ ದೂರು ದಾಖಲಾಗಿತ್ತು. ತನಿಖೆ ವೇಳೆ ಬೋರಯ್ಯ ಪತ್ರ ನೀಡಲು 10 ಸಾವಿರ ಹಣದ ಬೇಡಿಕೆ ಇಟ್ಟಿದ್ದ ಎಂದು ತಿಳಿದು ಬಂದಿದೆ.

ಡಾ.ಬಿ.ಆರ್. ಅಂಬೇಡ್ಕರ್ ಅಭಿವೃದ್ಧಿ ನಿಗಮದ ತರೀಕೆರೆ ಹಾಗೂ ಕಡೂರು ತಾಲ್ಲೂಕು ಅಭಿವೃದ್ಧಿ ಅಧಿಕಾರಿಯಾಗಿರುವ ಬೋರಯ್ಯ ಪರಿಶಿಷ್ಟ ಜಾತಿಗೆ ನೀಡುವ ಉದ್ಯಮ ಶೀಲತಾ ತಪಾಸಣಾ ವರದಿ ಪತ್ರವನ್ನು ಹೇಮಾವತಿ ಆನಂದ ನಾಯ್ಕ ದಂಪತಿಗೆ ನೀಡಬೇಕಿತ್ತು, ಇದಕ್ಕೆ ಲಂಚ ಕೇಳಿದ್ದ ಬೋರಯ್ಯ ಮುಂಗಡವಾಗಿ ಐದು ಸಾವಿರ ಪಡೆದಿದ್ದ. ಉಳಿದ ಮೊತ್ತಕ್ಕಾಗಿ ಕಡೂರು ಬಸ್ಟ್ಯಾಂಡ್ ಬಳಿ ಹೋಟೆಲ್‌ಗೆ ಬರುವಂತೆ ಹೇಳಿದ್ದ.

ಹಣ ಪಡೆಯುವ ವೇಳೆಯಲ್ಲಿ ಎಸಿಬಿ ಎಸಿಬಿ ಅಧಿಕಾರಿ ಬ್ರಿಜೇಶ್ ಮ್ಯಾತ್ಯೂ ನೇತೃತ್ವದಲ್ಲಿ ದಾಳಿ ನಡೆದಿದ್ದು, ಐದು ಸಾವಿರ ಹಣದೊಂದಿಗೆ ಈತನನ್ನು ಬಂಧಿಸಲಾಗಿದೆ.