ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣದಲ್ಲಿ ಜಾಗೃತಿ

ಚಿಕ್ಕಮಗಳೂರು : ತಂಬಾಕು ಮತ್ತಿತರೆ ಮಾದಕ ವಸ್ತುಗಳು ನಿಧಾನವಾಗಿ ಕೊಲ್ಲುವ ವಿಷವಸ್ತುವಾಗಿದ್ದು ಯುವ ಜನತೆ ಇವನ್ನು ಸೇವಿಸುವ ದುಶ್ಚಟದಿಂದ ದೂರ ಇರಬೇಕು ಎಂದು ಉಪನ್ಯಾಸಕ ಸಿ.ಎಚ್‌.ನಾಗರಾಜ್‌ ಹೇಳಿದರು.

ನಗರದ ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣದಲ್ಲಿ ಇತ್ತೀಚೆಗೆ ಬ್ರಹ್ಮ ಕುಮಾರಿ ವಿಶ್ವವಿದ್ಯಾಲಯದಿಂದ ಏರ್ಪಡಿಸಿದ್ದ ಸಾರ್ವಜನಿಕರಿಗೆ ಜಾಗೃತಿ ಮೂಡಿಸುವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು. ಯುವ ಜನತೆ ಮಾದಕ ವಸ್ತುಗಳಿಗೆ ಬಲಿಯಾಗುತ್ತಿರುವುದು ಕಳವಳಕಾರಿ ಸಂಗತಿಯಾಗಿದೆ. ಮಾದಕ ವಸ್ತು ಬಳಸುವವರು ಇಂದೇ ತ್ಯಜಿಸುವ ಬಗ್ಗೆ ಪ್ರಮಾಣ ವಚನ ಸ್ವೀಕರಿಸಬೇಕು ಎಂದು ಮನವಿ ಮಾಡಿದರು. ರಾಜಯೋಗಿನಿ ಭಾಗ್ಯ ಅವರು ಚಿತ್ರ ಪ್ರದರ್ಶನದ ಮೂಲಕ ಮಾದಕ ವಸ್ತುಗಳ ದುಷ್ಪರಿಣಾಮದ ಬಗ್ಗೆ ವಿವರಣೆ ನೀಡಿದರು.

ಕೆಎಸ್‌ಆರ್‌ಟಿಸಿ ವಿಭಾಗದ ಸಹಾಯಕ ಆಡಳಿತಾಧಿಕಾರಿ ಮುಂಜುನಾಥಮೂರ್ತಿ, ಸಹಾಯಕ ಕನೂನು ಅಧಿಕಾರಿ ಸುಲೋಚನ, ಅಧೀಕ್ಷ ಕ ಮಂಜಣ್ಣ, ಚಾಲಕ, ನಿರ್ವಾಹಕರು ಹಾಗೂ ಎಸ್‌ಡಿಎಂ ಪ್ರಕೃತಿ ಚಿಕಿತ್ಸೆ ಮತ್ತು ಯೋಗ ಮಹಾವಿದ್ಯಾಲಯದ ವೈದ್ಯರಾದ ಡಾ.ಅನಿತ, ಡಾ.ಸೌಜನ್ಯ ಹಾಜರಿದ್ದರು. ತಂಬಾಕು ದಾನ ಪೆಟ್ಟಿಗೆಗೆ 50ಕ್ಕೂ ಹೆಚ್ಚು ಜನ ತಂಬಾಕು ತ್ಯಜಿಸಿ ದಾನ ಮಾಡಿದರು.