ಗಂಟೆ ಸದ್ದಿನ ಜತೆ ಪಿಕಳಾರದ ಇಂಚರ

ಅಜ್ಜಂಪುರ: ಸಾಮಾನ್ಯವಾಗಿ ಹಕ್ಕಿಗಳು ಪೊದೆ, ಪೊಟರೆ, ಗಿಡ, ಮರಗಳಲ್ಲಿ ಗೂಡು ಕಟ್ಟಿ ಸಂತಾನ ಅಭಿವೃದ್ಧಿ ಮಾಡುವುದು ಸಹಜ. ಆದರೆ,ಪಿಕಳಾರ ಹಕ್ಕಿಯೊಂದು ದೇವಸ್ಥಾನದ ಕಬ್ಬಿಣ ತೂಗುಯ್ಯಾಲೆಯ ಸರಪಳಿಯಲ್ಲಿ ಗೂಡು ಕಟ್ಟಿ ಮರಿಗಳನ್ನು ಮಾಡಿ ಗಮನ ಸೆಳೆದಿದೆ.

ಯಾವುದೇ ಹಕ್ಕಿಗಳು ರಕ್ಷಣೆ ಸಿಗುವ ಜಾಗದಲ್ಲಿ ಗೂಡು ಕಟ್ಟಿ ಮಾಡುತ್ತವೆ.ಪಿಕಳಾರ ಅಜ್ಜಂಪುರದ ಕೋಟೆ ಆಂಜನೇಯ ಸ್ವಾಮಿ ದೇವಾಲಯದ ದೇವರಿಗೆ ನಿರ್ಮಿಸಿರುವ ತೂಗುಯ್ಯಾಲೆಯ ಕಬ್ಬಿಣದ ಸರಪಳಿಯಲ್ಲಿ ಗೂಡು ಕಟ್ಟಿ ಮರಿಗಳನ್ನು ಪೋಷಿಸುತ್ತಿದೆ. ಈಗಾಗಲೇ ಹಕ್ಕಿಗಳ ಇಂಚರ ದೇವಸ್ಥಾನದಲ್ಲಿ ಕೇಳಿ ಬರುತ್ತಿದೆ. ಪುಟ್ಟ ಮರಿಗಳಿಗೆ ತಾಯಿ ಪಿಕಳಾರ ಆಹಾರವನ್ನು ಕೊಕ್ಕಿನಲ್ಲಿ ನೀಡುತ್ತಿರುವುದನ್ನು ದೇವಸ್ಥಾನಕ್ಕೆ ಬರುವ ಭಕ್ತರು, ಮಕ್ಕಳು ಕುತೂಹಲದಿಂದ ನೋಡುತ್ತಿದ್ದಾರೆ.