ಕಾರಿನ ಟೈರ್‌ ಸಿಡಿದು ಅಪಘಾತ :ಕಾಲು ಮುರಿತ

ಅಜ್ಜಂಪುರ : ವೇಗದಿಂದ ಬರುತ್ತಿದ್ದ ಕಾರಿನ ಟೈರ್‌ ಸಿಡಿದಿದ್ದರಿಂದ ಮರಕ್ಕೆ ಡಿಕ್ಕಿ ಹೊಡೆದು ಕಾರಲ್ಲಿದ್ದವರು ತೀವ್ರ ಗಾಯಗೊಂಡಿರುವ ಪ್ರಕರಣ ಶುಕ್ರವಾರ ಬೆಳಗ್ಗೆ ನಡೆದಿದೆ.

ಬೆಂಗಳೂರು ಮೂಲದ ಶಾಂತ ಮತ್ತು ಮಕ್ಕಳು, ಇನ್ನೊಬ್ಬ ವೃದ್ಧರು ಬಗ್ಗವಳ್ಳಿಯ ಐತಿಹಾಸಿಕ ನರಸಿಂಹ ದೇವಾಲಯಕ್ಕೆ ನರಸಿಂಹ ಜಯಂತಿ ಪೂಜೆಗೆ ತೆರಳುತ್ತಿದ್ದರು.

ತಮ್ಮಟದಹಳ್ಳಿ ಗೇಟ್‌ ಮತ್ತು ಕಾಟಿಗನೆರೆ ಮಧ್ಯೆ ಗಂಗಮ್ಮನ ಹಳ್ಳ ಕೆರೆಗೆ ಹೋಗುವ ಮುಖ್ಯ ರಸ್ತೆಯಲ್ಲಿ ಕಾರು ನಿಯಂತ್ರಣ ತಪ್ಪಿ ಮರಕ್ಕೆ ಡಿಕ್ಕಿ ಹೊಡೆದಿದೆ. ರಭಸಕ್ಕೆ ಎರಡು ಬಲೂನ್‌ ಬಿಚ್ಚಿಕೊಂಡಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಇನ್ನುಳಿದಂತೆ ಹಲವರಿಗೆ ಎದೆಗೆ ಪೆಟ್ಟು ಬಿದ್ದರೆ, ವೃದ್ಧರೊಬ್ಬರಿಗೆ ಕಾಲು ಮುರಿದಿದೆ. ಇನ್ನೊಬ್ಬರಿಗೆ ಕಾಲು ಮುರಿದಿದೆ. ಅಪಘಾತ ನಡೆದ ತಕ್ಷ ಣ ತುರ್ತು ವಾಹನಕ್ಕೆ ಫೋನ್‌ ಮಾಡಿ ಅರ್ಧ ಗಂಟೆ ಕಳೆದರೂ ಬರಲಿಲ್ಲ. ಭದ್ರಾ ಮೇಲ್ದಂಡೆ ಕಾಮಗಾರಿ ನಿರ್ವಹಿಸುತ್ತಿದ್ದವರು ಎಸ್‌.ಎನ್‌.ಸಿ. ಜೀಪಿನಲ್ಲಿ ಕರೆತರುವ ಮಾನವೀಯತೆ ಮೆರೆದರು. ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಡಾ. ಜಿ. ಪುರುಷೋತ್ತಮ ಪ್ರಾಥಮಿಕ ಚಿಕಿತ್ಸೆ ನೀಡಿ ಹೆಚ್ಚಿನ ಚಿಕಿತ್ಸೆಗೆ ಶಿವಮೊಗ್ಗಕ್ಕೆ ಕಳಿಸಲಾಯಿತು. ಸ್ಥಳಕ್ಕೆ ಪಿ.ಎಸ್‌.ಐ. ಅನಂತಪದ್ಮನಾಭ ಭೇಟಿ ನೀಡಿ ಪರಿಶೀಲಿಸಿದರು.