ಚಿಕ್ಕಮಗಳೂರಿನಲ್ಲಿ ಇಲ್ಲ ಕೊರೊನಾ ಭೀತಿ: ಸೌದಿಯಿಂದ ಬಂದ ವ್ಯಕ್ತಿಯ ವರದಿ ನೆಗೆಟಿವ್‌

ಚಿಕ್ಕಮಗಳೂರು: ಇತ್ತೀಚೆಗೆ ಸೌದಿ ಅರೇಬಿಯಾದಿಂದ ಕೊಪ್ಪಗೆ ಆಗಮಿಸಿದ ವ್ಯಕ್ತಿಯಲ್ಲಿ ಕೊರೊನಾ ಅಂಶ ಇಲ್ಲ ಎಂದು ದೃಢಪಟ್ಟಿದೆ.

32 ವರ್ಷದ ವ್ಯಕ್ತಿ ಸೌದಿ ಅರೇಬಿಯಾದಿಂದ ಚಿಕ್ಕಮಗಳೂರು ಮೂಲಕ ಕೊಪ್ಪಗೆ ಆಗಮಿಸಿದ್ದರು.

ಕಳೆದ ಎರಡು ಮೂರು ದಿನಗಳಿಂದ ವಿಪರೀತ ಜ್ವರ ಕಾಣಿಸಿಕೊಂಡಿತ್ತು. ಇವರಿಗೆ ಕೊರೊನಾ ಇರಬಹುದು ಎಂಬ ಶಂಕೆ ವ್ಯಕ್ತವಾಗಿತ್ತು.

ರೋಗಿಯ ರಕ್ತ ಪರೀಕ್ಷೆ, ಗಂಟಲು ಸ್ರಾವದ ಪರೀಕ್ಷೆ ಮಾಡಿಸಲಾಯಿತು. ಶಿವಮೊಗ್ಗಕ್ಕೆ ಕಳುಹಿಸಲಾಗಿತ್ತು

ಲ್ಯಾಬ್ ವರದಿಯಲ್ಲಿ ಕೊರೊನಾ ಸೋಂಕು ನೆಗೆಟಿವ್ ಎಂದು ವರದಿ ಬಂದಿದೆ. ಇದರ ವರದಿಗಳು ಈಗ ಬಂದಿದ್ದು ಎಲ್ಲವೂ ನೆಗೆಟಿವ್‌ ಎಂದು ಗೊತ್ತಾಗಿದೆ ಎಂದು ಚಿಕ್ಕಮಗಳೂರು ಜಿಲ್ಲಾ ಆರೋಗ್ಯಾಧಿಕಾರಿಗಳು ತಿಳಿಸಿದ್ದಾರೆ.