ಮಲ್ನಾಡ್‌ ಅಲ್ಟ್ರಾಗೆ ತೆರೆ

ಚಿಕ್ಕಮಗಳೂರು :ವಿಶ್ವದ ಖ್ಯಾತ ಮ್ಯಾರಥಾನ್‌ ಓಟಗಾರ ಫೊ್ಲರೆಂಟ್‌ ಬೊಗ್ವಿನ್‌ ಕಾಫಿಡೇ ಅಲ್ಟ್ರಾ 3ನೇ ಆವೃತ್ತಿಯ 110 ಕಿಲೋಮೀಟರ್‌ ವಿಭಾಗದ ಸ್ಪರ್ಧೆಯಲ್ಲಿ ಪ್ರಶಸ್ತಿ ಗೆದ್ದರು. ಹೇಡನ್‌ ಹಾಕ್ಸ್‌ ಹಾಗೂ ಟಿಮ್‌ ಹೆವಿಟ್‌ ಕ್ರಮವಾಗಿ 50 ಮತ್ತು 80 ಕಿಲೋಮೀಟರ್‌ ವರ್ಗದಲ್ಲಿ ಪ್ರಶಸ್ತಿ ಜಯಿಸಿದರು.

ಭಾರತದ ಪ್ರೀಮಿಯರ್‌ ಸಹಿಷ್ಣುತಾ ಓಟಗಳಲ್ಲಿ ಒಂದಾದ ಕಾಫೀ ಡೇ ಮಲ್ನಾಡ್‌ ಅಲ್ಟ್ರಾದ 3ನೇ ಆವೃತ್ತಿ ಭಾನುವಾರ ಲಾಲ್‌ಬಾಗ್‌ ಎಸ್ಟೇಟ್‌ನಲ್ಲಿ ಭರ್ಜರಿಯಾಗಿ ತೆರೆಕಂಡಿತು. ಬೊಗ್ವಿನ್‌ 13 ಗಂಟೆ 50 ನಿಮಿಷಗಳಲ್ಲಿ ಗುರಿ ತಲುಪಿದರೆ, ಹಾಕ್ಸ್‌ 4 ಗಂಟೆ 19 ನಿಮಿಷ 38 ಸೆಕೆಂಡ್‌ನಲ್ಲಿ ಹಾಗೂ ಹೆವಿಟ್‌ 7 ಗಂಟೆ 59 ನಿಮಿಷ 8 ಸೆಕೆಂಡ್‌ನಲ್ಲಿ ಗುರಿಮುಟ್ಟಿದರು.

50 ಹಾಗೂ 80 ಕಿಲೋಮೀಟರ್‌ ಸ್ಪರ್ಧೆಯಲ್ಲಿ ನೂತನ ಕೂಟದಾಖಲೆ ನಿರ್ಮಾಣವಾಯಿತು.

110 ಕಿಲೋಮೀಟರ್‌ ಸ್ಪರ್ಧೆಯಲ್ಲಿ ಕೊಜಿ ಬೆಪ್ಪು (14.18.10) ಮತ್ತು ಪ್ರಣಯ ಮೊಹಾಂತಿ(14.34.49) ಕ್ರಮವಾಗಿ ಎರಡು ಹಾಗೂ ಮೂರನೇ ಸ್ಥಾನ ಪಡೆದರು. 80 ಕಿಲೋಮೀಟರ್‌ ಸ್ಪರ್ಧೆಯಲ್ಲಿ ದ್ವಿತೀಯ ಸ್ಥಾನ ಜೊ ಮೀಕ್‌ (8:15:14) ಹಾಗೂ ಮೂರನೇ ಸ್ಥಾನ ಕೆ.ಸಂತೋಷ್‌ (8:49:18) ಅವರಿಗೆ ಪ್ರಾಪ್ತವಾಯಿತು.

ಕಾಫೀ ಡೇ ಮಲ್ನಾಡ್‌ ಅಲ್ಟ್ರಾ 2018ರಲ್ಲಿ ಮೊಟ್ಟಮೊದಲ ಬಾರಿಗೆ 800ಕ್ಕಿಂತ ಹೆಚ್ಚಿನ ಸ್ಪರ್ಧಿ ಭಾಗವಹಿಸಿದ್ದರು.

ಮತ್ತೊಂದು ವಿಶೇಷತೆ ಎಂದರೆ ಕಾರ್ಯಕ್ರಮದ ಸಾಂಸ್ಕೃತಿಕ ವೈವಿಧ್ಯತೆಯಿಂದ ಕೂಡಿದ್ದು ವಿವಿಧ ವಯೋಮಾನ, ಲಿಂಗ ಹಾಗೂ ರಾಷ್ಟ್ರೀಯತೆಗಳನ್ನು ಒಗ್ಗೂಡಿಸಿತು. ಬ್ರಿಟನ್‌, ಪೋಲೆಂಡ್‌, ಫ್ರಾನ್ಸ್‌, ಯುಎಸ್‌ಎ, ಮಾಲ್ಡಿವ್ಸ್‌, ಜರ್ಮನಿ, ಆಸ್ಪ್ರೇಲಿಯಾ, ಕೆನಡಾ, ಬೆಲ್ಜಿಯಂ, ಸಿಂಗಾಪುರ, ಕೊಲಂಬಿಯಾ, ಜಪಾನ್‌ ಹಾಗು ಮಲೇಷ್ಯಾ ದೇಶದಿಂದ ಸುಮಾರು 43 ಅಂತಾರಾಷ್ಟ್ರೀಯ ಓಟಗಾರರು ಭಾಗವಹಿಸಿದ್ದರು. ಅತ್ಯಧಿಧಿಕ ಸಂಖ್ಯೆಯ ಓಟಗಾರರು ಅಂದರೆ 7 ಮಂದಿ ಅಮೆರಿಕ ಪ್ರತಿನಿಧಿಧಿಸಿದ್ದರು. ಜೋ ಮೀಕ್‌ ಹಾಗೂ ಕೊರ್ರಿನ್‌ ಮಾಲ್ಕೋಮ್‌ನಂಥ ವೃತ್ತಿಪರ ಓಟಗಾರರೂ ಸೇರಿ 143 ಮಹಿಳಾ ಓಟಗಾರರು ಭಾಗವಹಿಸಿದ್ದರು. ಭಾರತದ 22 ರಾಜ್ಯಗಳ ಪ್ರತಿನಿಧಿಗಳು ಭಾಗವಹಿಸಿದ್ದರು. ಕೆಫೆæ ಕಾಫೀ ಡೇ ಸಂಶೋಧನೆ ಮತ್ತು ಅಭಿವೃದ್ಧಿ ವಿಭಾಗದ ಮುಖ್ಯಸ್ಥ ಡಾ. ಪ್ರದೀಪ್‌ ಕೆಂಜಿಗೆ, ಕಾಫೀ ಡೇ ಮಲ್ನಾಡ್‌ ಅಲ್ಟ್ರಾದ ಸ್ಥಾಪಕ ಶ್ಯಾಂ ಸುಂದರ್‌ ಪಾಣಿ ಸ್ಪರ್ಧೆಯ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದರು.