ಕಾಳಿಮಠಕ್ಕೆ ದತ್ತವಿಗ್ರಹ ಸ್ಥಳಾಂತರ?

ಚಿಕ್ಕಮಗಳೂರು: ಶ್ರೀರಾಮಸೇನೆ ದತ್ತಮಾಲಾ ಅಭಿಯಾನದ ಶೋಭಯಾತ್ರೆಗೆ ನಿರ್ಬಂಧ ಹೇರಿದ್ದ ದತ್ತ ಶಿಲಾ ವಿಗ್ರಹವು ಪೊಲೀಸ್‌ ಬಿಗಿಭದ್ರತೆಯಲ್ಲಿಸಾಯಿಬಾಬಾ ದೇವಾಲಯ ದಲ್ಲಿದ್ದು, ಸೋಮವಾರ ಸಂಘಟನೆಯ ಕಾರ್ಯಕರ್ತರು ಅದನ್ನು ಸ್ಥಳಾಂತರಿಸಿದ್ದಾರೆ ಎನ್ನಲಾಗಿದೆ.
ದತ್ತಮೂರ್ತಿಯ ಶಿಲಾವಿಗ್ರಹಕ್ಕೆ ತ್ರಿಕಾಲ ಪೂಜೆ ನೆರವೇರಬೇಕಿರುವ ಹಿನ್ನೆಲೆಯಲ್ಲಿಅದನ್ನು ಪೊಲೀಸ್‌ ಸರ್ಪ ಗಾವಲಿನಲ್ಲಿಇಡುವುದು ಸರಿಯಲ್ಲ. ಭಾನುವಾರ ನಗರದಲ್ಲಿನಡೆದ ದತ್ತಮಾಲಾ ಅಭಿಯಾನಕ್ಕೆ ಬಂದಿದ್ದ ಕಾಳಿಮಠದ ಶ್ರೀ ರಿಷಿಕುಮಾರ ಸ್ವಾಮೀಜಿ ಅವರು ನಮ್ಮ ಮಠದಲ್ಲಿಪ್ರತಿಷ್ಠಾಪಿಸಿ ಅಲ್ಲಿತ್ರಿಕಾಲ ಪೂಜೆ ಮಾಡುವುದಾಗಿ ಹೇಳಿದ್ದರು.
ಹಾಗಾಗಿ, ದೇವನೂರು ಸಮೀಪದ ನಿಡಘಟ್ಟದಲ್ಲಿರುವ ಕಾಳಿಮಠಕ್ಕೆ ದತ್ತವಿಗ್ರಹವನ್ನು ಕೊಂಡೊಯ್ಯಲಿದ್ದೇವೆ ಎಂದು ಶ್ರೀರಾಮಸೇನೆ ಕಾರ್ಯಾಧ್ಯಕ್ಷ ಗಂಗಾಧರ ಕುಲಕರ್ಣಿ ತಿಳಿಸಿದ್ದಾರೆ.