ಸಾಲಬಾಧೆ: ಕೃಷಿಕ ಸಾವು

ಕಡೂರು :ಸಾಲಬಾಧೆ ತಾಳದೆ ತಾಲೂಕಿನ ಸರಸ್ವತಿಪುರ ಗ್ರಾಮದ ವಾಸಿ ಹನುಮಂತಪ್ಪ (41) ಎಂಬ ರೈತ ಭಾನುವಾರ ರಾತ್ರಿ ತಮ್ಮ ಸಹೋದರನ ಮನೆಯಲ್ಲಿ ನೇಣು ಬಿಗಿದುಕೊಂಡು ಮೃತಪಟ್ಟಿದ್ದಾರೆ.

ಮೃತ ಹನುಮಂತಪ್ಪ ತನ್ನ ತಾಯಿ ಕರಿಯಮ್ಮ ಅವರ ಜತೆ ವಾಸವಾಗಿದ್ದು ಕೃಷಿ ಉದ್ದೇಶಕ್ಕಾಗಿ ತಾಯಿ ಹೆಸರಿನಲ್ಲಿ ಚಿಕ್ಕಮಗಳೂರು ಎಸ್‌ಬಿಐ ಬ್ಯಾಂಕಿನಲ್ಲಿ 75 ಸಾವಿರ ರೂ. ಸಾಲ ಪಡೆದಿದ್ದ. ತನ್ನ ಜಮೀನಿನಲ್ಲಿ ಐದಾರು ಕೊಳವೆಬಾವಿ ಕೊರೆಸಿದರೂ ನೀರು ಬಾರದೆ ಬೇಸರಗೊಂಡಿದ್ದ ಇದರಿಂದ ಮನನೊಂದು ಆತನ ಸಹೋದರ ಯೋಗಿಶ್‌ ಅವರ ಮನೆಗೆ ಭಾನುವಾರ ರಾತ್ರಿ ಬಂದು ಶೌಚಾಲಯದ ಮೇಲೆ ಇದ್ದ ಕಲ್ಲುಕಂಬಕ್ಕೆ ಪ್ಯಾಂಟ್‌ ಮತ್ತು ಶರ್ಟ್‌ನ ಸಹಾಯದಿಂದ ನೇಣು ಹಾಕಿಕೊಂಡು ಮೃತಪಟ್ಟಿದ್ದಾನೆ.

ಈ ಸಂಬಂಧ ಮೃತ ಹನುಮಂತಪ್ಪನ ಸಹೋದರ ಲೋಕೇಶ್‌ಕುಮಾರ್‌ ಕಡೂರು ಪೊಲೀಸರಿಗೆ ದೂರು ನೀಡಿದ್ದಾರೆ.