ಮಾನಗಾರು ಗದ್ದೆ ರಾಜಕಾಲುವೆ ಸ್ವಚ್ಛತೆಗೆ ಆಗ್ರಹ

ಶೃಂಗೇರಿ: ಪಟ್ಟಣಕ್ಕೆ ಸಮೀಪದ ಮಾನಗಾರು ಗದ್ದೆಯಲ್ಲಿರುವ ರಾಜಕಾಲುವೆ ನಿರ್ಮಾಣ ಹಂತದಲ್ಲಿರುವ ಬಿಆರ್‌ವಿ ಮಾಡೆಲ್‌ ಶಾಲೆ ಬಳಿ ಕಸ ಕಡ್ಡಿ ತುಂಬಿ ನೀರು ಸಂಗ್ರಹವಾಗಿದೆ. ಸಮರ್ಪಕವಾಗಿ ನೀರು ಹರಿಯದೇ ಸೊಳ್ಳೆಗಳ ಆವಾಸ ಸ್ಥಾನವಾಗಿ ಮಾರ್ಪಟ್ಟಿದೆ.

ಎರಡು ವರ್ಷದ ಹಿಂದೆ ರಾಜ ಕಾಲುವೆಯನ್ನು ಜೆಸಿಬಿ ಯಂತ್ರದಿಂದ ಮಣ್ಣು ತೆಗೆದು ನೀರು ಸರಾಗವಾಗಿ ಹರಿಯುತ್ತಿತ್ತು. ಮಳೆಗಾಲದಲ್ಲಿ ಪಟ್ಟಣ ಹಾಗೂ ಮಾನಗಾರು ಬಡಾವಣೆ, ಕೆರೆದಂಡೆಯ ನೀರು ಈ ರಾಜ ಕಾಲುವೆ ಮೂಲಕ ಹರಿಯುತ್ತದೆ. ಈಗ ಕಾಲುವೆಯಲ್ಲಿ ಮಣ್ಣು, ತ್ಯಾಜ್ಯ, ಕಸ ಕಡ್ಡಿ ತುಂಬಿದ್ದು, ಇದರಿಂದ ಅಲ್ಲಲ್ಲಿ ನೀರು ಸಂಗ್ರಹವಾಗಿದೆ. ಮಳೆಗಾಲ ಹೆಚ್ಚಾಗುವ ಮುನ್ನ ಕಾಲುವೆಯ ಮಣ್ಣು ತೆಗೆದು, ನೀರು ಸರಾಗವಾಗಿ ಹರಿಯುವಂತೆ ಮಾಡಬೇಕು.
-ಶೋಭಾಆಚಾರ್ಯ, ಮಾನಗಾರು, ಶೃಂಗೇರಿ.