ರೈತರ ನೆರವಿಗೆ ಕೃಷಿ ಇಲಾಖೆ ಸಿದ್ಧ

ಕೊಪ್ಪ: ಬರುವ ಮಳೆಗಾಲದಲ್ಲಿ ರೈತರಿಗೆ ಅಗತ್ಯವಿರುವ ಸಕಲ ನೆರವು ನೀಡಲು ಕೃಷಿ ಇಲಾಖೆ ಸಿದ್ಧವಾಗಿದೆ ಎಂದು ಸಹಾಯಕ ನಿರ್ದೇಶಕ ವೆಂಕಟೇಶ್‌ ಚೌಹಾಣ್‌ ಹೇಳಿದರು.

ಅವರು ಮಾತನಾಡಿ, ಇಲಾಖೆಯಲ್ಲಿ ಈಗಾಗಲೆ ರೈತರಿಗೆ ಬಿತ್ತನೆ ಬೀಜವನ್ನು ಕೆಲವೆ ದಿನಗಳೊಳಗೆ ವಿತರಿಸಲಾಗುವುದು. ಅದಕ್ಕಾಗಿ ಇಂಟಾನ್‌, ಬಾಂಗ್ಲಾ ಅಕ್ಕಿ, ಐಇಟಿ ತುಂಗಾ, 1001 ಎಂಟಿಯು ತಲಾ 20 ಕ್ವಿಂಟಾಲ್‌ ಬಿತ್ತನೆ ಬೀಜ ತರಿಸಲಾಗುವುದು. ಮುಂದಿನ ದಿನದಲ್ಲಿ ಟಾರ್ಪಾಲಿನ್‌ಗಾಗಿ ಅರ್ಜಿ ಸ್ವೀಕರಿಸುತ್ತಿದ್ದು, ಆದ್ಯತೆ ಮೇರೆಗೆ 8 ಮೀ., 6 ಮೀ., ಅಳತೆಯ ಟಾರ್ಪಾಲಿನ್‌(ತಲಾ 1) ವಿತರಿಸಲಾಗುವುದು. ಕೃಷಿ ಯಾಂತ್ರೀಕರಣ ಯೋಜನೆಯಲ್ಲಿ ಪವರ್‌ ಫೀಡರ್‌, ಪವರ್‌ ಸ್ಪ್ರೇಯರ್‌, ಡಿಸೆಲ್‌ ಪಂಪ್‌ ಸೆಟ್‌, ಟಿಲ್ಲರ್‌, ಮಿನಿ ಟ್ರ್ಯಾಕ್ಟರ್‌, ಒಕ್ಕಣೆ ಯಂತ್ರ, ಗದ್ದೆ ಕಟಾವು ಯಂತ್ರ, ಸ್ಟ್ರಿಂಕ್ಲರ್‌ ಸೆಟ್‌, ಎರೆಹುಳು ಗೊಬ್ಬರ(50ಕೆಜಿ/105 ರೂ), ಟ್ರೈಕೋಡರ್ಮಾ, ಜಿಂಕ್‌ ಸಲ್ಫೇಟ್‌, ಬ್ಯಾಟರಿ ಸ್ಪ್ರೇಯರ್‌, ಪæäೕರ್ಟಬಲ್‌ ಸ್ಪ್ರೇಯರ್‌ ಅಲ್ಲದೆ ಕೃಷಿ ಭಾಗ್ಯ ಯೋಜನೆಯಲ್ಲಿ ಕೃಷಿ ಹೊಂಡ ನಿರ್ಮಿಸಲು ಸಹಾಯಧನ ನೀಡಲಾಗುವುದು. ರೈತರು ಹೆಚ್ಚಿನ ಮಾಹಿತಿಗಾಗಿ ಕೃಷಿ ಇಲಾಖೆ ಕಚೇರಿಗೆ ಸಂಪರ್ಕಿಸಬೇಕು (ದೂ: 08265-221217) ಎಂದು ಅವರು ತಿಳಿಸಿದರು.