ಶಾಸಕರಿಂದ ಪರಿಹಾರದ ಚೆಕ್‌ ವಿತರಣೆ

ಜಯಪುರ: ಮೇಗುಂದಾ ಹೋಬಳಿಯ ಅತ್ತಿಕೊಡಿಗೆ ಗ್ರಾ.ಪಂ. ಹಾಗೂ ಅನೇಕ ಭೂ ಕುಸಿತ ಪ್ರದೇಶಗಳಿಗೆ ಶಾಸಕ ಟಿ.ಡಿ.ರಾಜೇಗೌಡ ಭೇಟಿ ನೀಡಿ ಪರಿಶೀಲಿಸಿದರು.

ಕೆಲ ದಿನಗಳ ಹಿಂದೆ ಮಳೆ, ಗಾಳಿಯ ರಭಸಕ್ಕೆ ಮರ ಬಿದ್ದು ಮೃತಪಟ್ಟ ಬಿಳಾಲುಕೊಪ್ಪ ವಾಸಿ ಸುಮಿತ್ರ (48) ಅವರ ಮನೆಗೆ ತೆರಳಿ ಪರಿಹಾರದ ಮೊತ್ತವಾಗಿ 5 ಲಕ್ಷ ರೂ. ಬ್ಯಾಂಕ್‌ ಖಾತೆಗೆ ಜಮಾ ಆಗಿರುವ ಆದೇಶ ಪ್ರತಿಯನ್ನು ಮೃತರ ಪತಿ ಸಂಜೀವ ಪೂಪೂಜಾರಿಯವರಿಗೆ ನೀಡಿದರು.

ಜಯಪುರ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ಡಿ.ಬಿ.ರಾಜೇಂದ್ರ, ಜಿ.ಪಂ. ಮಾಜಿ ಅಧ್ಯಕ್ಷ ಎಚ್‌.ಎಂ.ಸತೀಶ್‌, ಮುಖಂಡರುಗಳಾದ ಎನ್‌.ಎಲ್‌.ನಾಗಭೂಷಣ್‌, ಬಸರಿಕಟ್ಟೆ ಡಿ.ಎಸ್‌.ಸತೀಶ್‌, ಜಯಪುರದ ಫಣಿರಾಜ್‌, ಕಂದಾಯ ನಿರೀಕ್ಷ ಕ ನಾಗರಾಜ್‌, ತಹಶೀಲ್ದಾರ್‌ ಹಾಗೂ ಅಧಿಕಾರಿಗಳು ಸಿಬ್ಬಂದಿಗಳು ಹಾಜರಿದ್ದರು.