ನೆರೆ ಪರಿಹಾರ ಮತ್ತೆ ಬರುವ ನಿರೀಕ್ಷೆ ಇಲ್ಲ

ಕಳಸ:

Vijaya Karnataka Web

ರಾಜ್ಯದ ನೆರೆ ಸಂತ್ರಸ್ತರಿಗೆ ಕೇಂದ್ರ ಸರಕಾರ 1200 ಕೋಟಿ ರೂ. ಬಿಡುಗಡೆ ಮಾಡಿದೆ. ಆದರೆ, ಇನ್ನೂ ಹೆಚ್ಚಿನ ನೆರವು ಸಿಗುತ್ತದೆ ಎನ್ನುವ ನಿರೀಕ್ಷೆ ಇಲ್ಲಎಂದು ಮಾಜಿ ಮುಖ್ಯ ಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ ಹೇಳಿದರು.

ನೆರೆಯಿಂದ ಹಾನಿಯಾಗಿ ಪರಿಹಾರ ಸಿಗದೆ ನೊಂದು ಆತ್ಮಹತ್ಯೆ ಮಾಡಿಕೊಂಡ ರೈತರ ಕುಟುಂಬಗಳಿಗೆ ಭಾನುವಾರ ಭೇಟಿ ನೀಡಿ, ನಂತರ ಸುದ್ದಿಗಾರರೊಂದಿಗೆ ಅವರು ಮಾತನಾಡಿ, ರಾಜ್ಯ ಸರಕಾರದಲ್ಲಿಹೊಂದಾಣಿಕೆ ಇಲ್ಲ, ಜನರ ಕಷ್ಟಗಳಿಗೆ ಸ್ಪಂದಿಸಬೇಕೆಂಬ ವಿವೋಚನೆಯೂ ಇಲ್ಲ. ಈ ಸರಕಾರ ಹೆಚ್ಚು ದಿನ ಇರುವ ನೀರೀಕ್ಷೆಯೂ ಇಲ್ಲಎಂದರು.

ರೈತರಿಗೆ ನೀಡುವ ನೆರೆ ಪರಿಹಾರದಲ್ಲಿಹುಡುಗಾಟ ಆಡದೆ ಸಚಿವರು ಸ್ಥಳಗಳಿಗೆ ಹೋಗಿ ಕೂತು ಅಧಿಕಾರಿಗಳಿಂದ ಪ್ರೀತಿಯಿಂದ ಕೆಲಸ ಮಾಡಿಸಿಕೊಂಡು ತೊಂದರೆಗೆ ಒಳಗಾದ ರೈತರಿಗೆ ನ್ಯಾಯಯುತವಾತ ಪರಿಹಾರ ನೀಡಬೇಕು. ಇದ್ರಲ್ಲಿದುಡ್ಡು ಹೊಡೆಯುವ ಕೆಲಸ ಮಾಡಬೇಡಿ. ಈಗಾಗಲೇ ಈ ಭಾಗದಲ್ಲಿಕೊಟ್ಟಿರುವ 10 ಸಾವಿರ ರೂ. ಚೆಕ್‌ ಕೆಲ ಬಿಜೆಪಿ ಕಾರ್ಯಕರ್ತರ ಪಾಲಾಗಿದೆ ಮತ್ತು ಅದರಲ್ಲೂಕಮಿಷನ್‌ ತೆಗೆದುಕೊಂಡಿರುವ ಬಗ್ಗೆ ಜನ ಮಾತನಾಡುತ್ತಿದ್ದಾರೆ. ಸರಕಾರದ ಮೇಲಿರುವ ಸವಾಲನ್ನು ಸ್ವೀಕರಿಸಿ ರೈತರ ಸಂಕಷ್ಟಕ್ಕೆ ಕೂಡಲೇ ನೆರವಾಗಿ ಎಂದರು.