ವಿದ್ಯುತ್‌ ಕಂಬ ಬಿದ್ದು ಯುವಕ ಸಾವು

ನರಸಿಂಹರಾಜಪುರ: ಕಾನೂರು ಗ್ರಾಮದ ಹೊಳೆಕೊಪ್ಪದಲ್ಲಿ ವಿದ್ಯುತ್‌ ಕಂಬ ತಲೆಯ ಮೇಲೆ ಬಿದ್ದು, ಆನಂದ( 28) ಎಂಬ ಯುವಕ ಮೃತಪಟ್ಟ ಘಟನೆ ಮಂಗಳವಾರ ಮಧ್ಯಾಹ್ನ ನಡೆದಿದೆ.

ಹೊಳೆಕೊಪ್ಪದ ವಿಜಯ ಎಂಬುವವರ ಮನೆಯಲ್ಲಿ ಆನಂದ ಪ್ಲಂಬಿಂಗ್‌ ಹಾಗೂ ಎಲೆಕ್ಟ್ರಿಕಲ್‌ ಕೆಲಸ ಮಾಡುತ್ತಿದ್ದರು. ರಸ್ತೆ ಬದಿಯ ವಿದ್ಯುತ್‌ ಕಂಬ ಉರುಳಿ ಬಿದ್ದು ಆನಂದ ಅವರ ತಲೆಗೆ ಪೆಟ್ಟಾಗಿತ್ತು. ತಕ್ಷಣ ಅವರನ್ನು ಕೊಪ್ಪ ಆಸ್ಪತ್ರೆಗೆಂದು ಕರೆದೊಯ್ಯುವಾಗ ಮಾರ್ಗದಲ್ಲಿ ಮೃತಪಟ್ಟಿದ್ದಾರೆ. ಆನಂದ ಮೂಡುಬಿದಿರೆ ತಾಲೂಕಿನ ಎಡಬದು ಗ್ರಾಮದವರು. ಪಟ್ಟಣದ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ.