ಪರಿಸರ ಸಂರಕ್ಷ ಣೆ ನಮ್ಮೆಲ್ಲರ ಹೊಣೆ

ನರಸಿಂಹರಾಜಪುರ : ಪ್ರತಿಯೊಬ್ಬರೂ ಕೂಡ ಪರಿಸರ ಸಂರಕ್ಷ ಣೆಗೆ ಮುಂದಾಗಬೇಕು ಎಂದು ಜಾಮಿಯಾ ಮಸ್ಜೀದ್‌ನ ಧರ್ಮಗುರು ಮೌಲಾನಾ ಇರ್ಫಾನ್‌ ಹೇಳಿದರು.

ಪಟ್ಟಣದ ಜಾಮಿಯಾ ಮಸ್ಜೀದ್‌ನಲ್ಲಿ ವಿಶೇಷ ಪ್ರಾರ್ಥನೆ ನಂತರ ವಲಯ ಅರಣ್ಯ ಇಲಾಖೆ ವತಿಯಿಂದ ಭಾನುವಾರ ಹಸಿರು ಕರ್ನಾಟಕ ಯೋಜನೆಯಡಿ ಮಸ್ಜೀದ್‌ ಸುತ್ತಾ ಗಿಡ ನೆಡುವ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಅರಣ್ಯ ಇಲಾಖೆ ಪರಿಸರ ಸಂರಕ್ಷ ಣೆಗಾಗಿ ಅನೇಕ ಯೋಜನೆಗಳ ಮುಖಾಂತರ ಹಲವಾರು ಕಾರ್ಯಕ್ರಮಗಳನ್ನು ಆಯೋಜಿಸುತ್ತಿದೆ. ಆದ್ದರಿಂದ ಇಲಾಖೆಯೊಂದಿಗೆ ನಾವೂ ಕೂಡ ಕೈ ಜೋಡಿಸಿ, ಪರಿಸರ ಸಂರಕ್ಷಿಸಬೇಕು ಎಂದರು.

ಪಟ್ಟಣದ ಜಾಮಿಯಾ ಮಸ್ಜೀದ್‌ ಸುತ್ತಾ ಹಲವಾರು ಜಾತಿಯ ಹಣ್ಣಿನ ಗಿಡಗಳು, ನೆರಳು ನೀಡುವ ಗಿಡಗಳನ್ನು ನೆಡಲಾಯಿತು.

ಈ ಸಂದರ್ಭ ಮಸ್ಜೀದ್‌ ಅಧ್ಯಕ್ಷ ಆಬೀದ್‌, ಸಿಬ್ಬುತ್ತುಲ್ಲ, ನರಸಿಂಹರಾಜಪುರ ವಲಯ ಅರಣ್ಯಾಧಿಕಾರಿ ಜಿ.ಟಿ.ರಂಗನಾಥ್‌, ಉಪ ವಲಯ ಅರಣ್ಯಾಧಿಕಾರಿಗಳಾದ ಗೌಸ್‌ ಮೊಹಿಯುದ್ದೀನ್‌, ಮನೋಹರ್‌ ನಾಯಕ್‌, ಮಸ್ಜೀದ್‌ನ ಕಾರ್ಯದರ್ಶಿಗಳು ಹಾಗೂ ಖಜಾಂಚಿ, ಪದಾಧಿಕಾರಿಗಳು ಉಪಸ್ಥಿತರಿದ್ದರು.