ಕಡೂರಿನಲ್ಲಿ ಮೊದಲ ಮಳೆ ಸಿಂಚನ

ಕಡೂರು : ಪಟ್ಟಣದಲ್ಲಿ ಶುಕ್ರವಾರ ಸಂಜೆ ಭಾರೀ ಗಾಳಿಯ ಸಹಿತ ಸುರಿದ ಆಲಿಕಲ್ಲು ಸಹಿತ ಜನ ಜೀವನ ಅಸ್ತವ್ಯಸ್ತಗೊಂಡಿತು.

ಸಂಜೆ 6 ಗಂಟೆ ಸುಮಾರಿಗೆ ಭಾರಿಗಾಳಿ ಬೀಸ ತೊಡಗಿ ಮರದ ರಂಬೆಕೊಂಬೆಗಳು ಮುರಿದು ಬಿದ್ದಿದ್ದು, ಸಂಚಾರಕ್ಕೆ ತೊಡಕುಂಟಾಯಿತು. ಸಂಚರಿಸುತ್ತಿದ್ದ ದ್ವಿಚಕ್ರ ಮತ್ತು ನಾಲ್ಕು ಚಕ್ರದ ವಾಹನಸವಾರರು ವಾಹನಗಳನ್ನು ರಸ್ತೆ ಬದಿಗೆ ಹಾಕಿ ಅಂಗಡಿಮುಗ್ಗಟ್ಟುಗಳ ಆಶ್ರಯ ಪಡೆದರು. ರಾಷ್ಟ್ರೀಯ ಹೆದ್ದಾರಿಯಲ್ಲಿ ಮತಿಘಟ್ಟದಿಂದ ಬೀರೂರುವರೆಗೆ ಗಾಳಿ ಮಳೆ ವ್ಯಾಪಿಸಿದ್ದರಿಂದ ನೂರಾರು ಕಾರುಗಳು ರಸ್ತೆ ಬದಿಯಲ್ಲಿ ಮರದ ಆಶ್ರಯದಲ್ಲಿ ನಿಂತವು. ಬಾರಿ ಕಸಕಡ್ಡಿಯ ರಾಶಿ ಬಹುತೇಕ ರಸ್ತೆ ಬದಿಯಲ್ಲಿ ತುಂಬಿದ್ದು. ಪಟ್ಟಣದ ಸರಕಾರಿ ಪದವಿ ಪೂರ್ವ ಕಾಲೇಜು ಎದುರು ವಿಷ್ಣು ಟಿಫನಿಸ್‌ ಹೋಟೆಲ್‌ ಮೇಲೆ ನಿರ್ಮಿಸಿದ್ದ ಬೃಹತ್‌ ಗಾತ್ರದ ಜಾಹೀರಾತು ಫಲಕ ಗಾಳಿಗೆ ಬಿದ್ದಿದೆ. ಪಟ್ಟಣದ ಬಹುಪಾಲು ಪ್ರದೇಶದ ವಿದ್ಯುತ್‌ ಸಂಪರ್ಕ ಕಡಿತವಾಗಿದ್ದು ದೂರಾವಾಣಿ ಸಂಪರ್ಕವೂ ಸಮರ್ಪಕವಾಗಿ ಕೆಲಸ ಮಾಡುತ್ತಿರಲಿಲ್ಲ.ಒಟ್ಟಿನಲ್ಲಿ ಬಿರುಗಾಳಿ ಮಳೆಯನ್ನು ಇದೇ ಮೊದಲ ಬಾರಿಗೆ ಕಂಡ ಜನ ಹರ್ಷಚಿತ್ತರಾದರು.