ಆಲ್ದೂರು ಠಾಣೆಗೆ ಮೊದಲ ಮಹಿಳಾ ಎಸ್‌ಐ

ಆಲ್ದೂರು : ಸ್ಥಳೀಯ ಪೊಲೀಸ್‌ ಠಾಣೆಗೆ ಮೊದಲ ಬಾರಿಗೆ ಮಹಿಳಾ ಸಬ್‌ ಇನ್ಸ್‌ಪೆಕ್ಟರ್‌ ಆಗಿ ಎನ್‌.ಕೆ. ರಮ್ಯ ನೇಮಕಗೊಂಡಿದ್ದಾರೆ.

ಈ ಹಿಂದೆ ಚಿಕ್ಕಮಗಳೂರು ಟ್ರಾಫಿಕ್‌ ಪೊಲೀಸ್‌ ಆಗಿ ಕರ್ತವ್ಯ ನಿರ್ವಹಿಸಿದ್ದ ರಮ್ಯ ಅವರು ಆಲ್ದೂರು ಠಾಣೆಗೆ ಪಿಎಸ್‌ಐ ಆಗಿ ಅಧಿಕಾರ ಸ್ವೀಕರಿಸಿದ್ದಾರೆ.

ಪತ್ರಿಕೆಯೊಂದಿಗೆ ಮಾತನಾಡಿದ ಅವರು, ಬಡವರು, ನೊಂದವರಿಗೆ ದನಿಯಾಗುವೆ. ಜನರ ಮನಸ್ಥಿತಿ, ಇಲ್ಲಿನ ವಾತಾವರಣ ತಿಳಿದುಕೊಳ್ಳಲು ಸ್ವಲ್ಪ ಸಮಯಾವಕಾಶ ಬೇಕಿದೆ. ಇನ್ನು ಕಳ್ಳ ಬಟ್ಟಿ ದಂಧೆ, ಅಕ್ರಮ ಮದ್ಯ, ಅಕ್ರಮ ಮರಳು ದಂದೆ ,ಟ್ರಾಫಿಕ್‌ ಸಮಸ್ಯೆ ಬಗ್ಗೆ ಗಮನ ಹರಿಸುವುದಾಗಿ ತಿಳಿಸಿದರು.

ಹಣ ವಾಪಸು: ಅಶ್ವಿನಿ ಮೆಡಿಕಲ್ಸ್‌ ಬಳಿ ವ್ಯಕ್ತಿಯೊಬ್ಬರು 68 ಸಾವಿರ ರೂ.ಗಳನ್ನು ಕಳೆದುಕೊಂಡಿದ್ದರು. ಅದು ಆಲ್ದೂರಿನ ಆಟೊ ಚಾಲಕರೊಬ್ಬರಿಗೆ ಸಿಕ್ಕಿದ್ದು, ಅವರು ಹಣವನ್ನು ಸಂಬಂಧಿಸಿದವರಿಗೆ ಹಿಂತಿರುಗಿಸಿದರು.


-------