ಚಿಕ್ಕಮಗಳೂರು: ಕೊರೊನಾಗೆ ಜಿಲ್ಲೆಯಲ್ಲಿ ಒಂದೇ ದಿನ ಐವರು ಸಾವು, ಕೇಸ್‌ ಎಷ್ಟು?

ಚಿಕ್ಕಮಗಳೂರು: ಕಾಫಿನಾಡಲ್ಲಿ ಕೊರೊನಾಗೆ ಶನಿವಾರ ಒಂದೇ ದಿನ ಐವರು ಸಾವನಪ್ಪುವ ಮೂಲಕ ಕೊರೊನಾ ವೈರಸ್‌ ಅಬ್ಬರಿಸಿ ಬೊಬ್ಬಿರಿದಿದೆ. ಅಲ್ಲದೇ ಜಿಲ್ಲೆಯಲ್ಲಿ ಒಂದೇ ದಿನ 79 ಮಂದಿಗೆ ಕೊರೊನಾ ಸೋಂಕು ದೃಡುವ ಮೂಲಕ ಜಿಲ್ಲೆಯಲ್ಲಿ ಈವರೆಗೆ ಒಟ್ಟು 2112 ಮಂದಿಗೆ ಕೊರೊನಾ ಪಾಸಿಟಿವ್‌ ಆದಂತೆ ಆಗಿದೆ.

ಇನ್ನು 79 ಸೋಂಕಿತರ ಪೈಕಿ ಚಿಕ್ಕಮಗಳೂರು 31, ತರೀಕೆರೆ 19, ಕಡೂರು 25, ಮೂಡಿಗೆರೆ 2, ಶೃಂಗೇರಿಯಲ್ಲಿ 2 ಕೇಸ್ ದೃಡಪಟ್ಟಿದೆ. ಇಂದು 9 ಮಂದಿ ಕೊರೊನಾ ರೋಗದಿಂದ ಗುಣಹೊಂದಿ ಬಿಡುಗಡೆಯಾಗಿ ಮನೆಗೆ ತೆರಳಿದ್ದಾರೆ. ಜಿಲ್ಲೆಯಲ್ಲಿ ಒಟ್ಟು 746 ಸಕ್ರಿಯಯ ಪ್ರಕರಣ ಸದ್ಯ ಇದ್ದು 1323 ಮಂದಿ ಕೊರೊನಾದಿಂದ ಗುಣಮುಖ ಹೊಂದಿ ಮನೆಗೆ ತೆರಳಿದ್ದಾರೆ. ಇನ್ನು ಇಂದು ಐವರು ಸಾವನಪ್ಪುವ ಮೂಲಕ ಜಿಲ್ಲೆಯಲ್ಲಿ ಕೊರೊನಾಗೆ ಬಲಿಯಾದವರ ಸಂಖ್ಯೆ 43ಕ್ಕೆ ಏರಿಕೆಯಾಗಿದೆ.

ಅನ್‌ಲಾಕ್‌ ಬಳಿಕ ದೇಶದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ಏರಿಕೆಯಾಗುತ್ತಲೇ ಇದೆ. ರಾಜ್ಯ ಜಿಲ್ಲೆಗಳಲ್ಲೂ ಕೊರೊನಾ ಆರ್ಭಟಿಸುತ್ತಿದೆ. ಸದ್ಯ ಭಾರತವು ಕೊರೊನಾ ಲಸಿಕೆಯನ್ನ ಅತೋ ಶೀಘ್ರದಲ್ಲೇ ಹೊರತರುವ ಭರವಸೆಯನ್ನ ವ್ಯಕ್ತಪಡಿಸಿದೆ. ಹೀಗಾಗಿ ಮುಂಜಾಗ್ರತಾ ಕ್ರಮ ವಹಿಸುವುದು ಉತ್ತಮ.