ಮಲೆನಾಡಿನಾದ್ಯಂತ ಬಾರಿ ಮಳೆ, ಜನಜೀವನ ಅಸ್ತವ್ಯಸ್ತ

ಕೊಟ್ಟಿಗೆಹಾರ: ಮಲೆನಾಡಿನಾದ್ಯಂತ ಸೋಮವಾರದಿಂದ ಬಾರಿ ಮಳೆಯಾಗುತ್ತಿದ್ದು ಜನಜೀವನ ಅಸ್ತವ್ಯಸ್ಥಗೊಂಡಿದೆ.

ಗ್ರಾಮಸ್ಥರು ಭಯಬೀತರಾಗಿದ್ದು ಕೆಲದಿನಗಳ ಹಿಂದೆ ಗುಡ್ಡಕುಸಿತವಾದಂತಹ ಘಟನೆ ಮತ್ತೆ ಮರುಕಳಿಸಬಹುದೆಂಬ ಆತಂಕ ಮೂಡಿದೆ. ಕೆಲವರು ಊರುಗಳನ್ನು ತೊರೆದು ಸಂಬಂಧಿಕರ ಮನೆಗಳಿಗೆ ಹೋಗುತ್ತಿರುವ ದೃಶ್ಯ ಕಂಡು ಬಂತು.

ಸೋಮವಾರದಿಂದ ಮಳೆ ಜತೆಗೆ ಭೂಮಿಯಲ್ಲಿಗುಡುಗಿದ ಶಬ್ಧ ಕೇಳಿ ಬರುತ್ತಿದ್ದು ಗುಡ್ಡ ಕುಸಿತವಾದ ಸಂದರ್ಭ ಕೂಡ ಈ ರೀತಿಯ ಶಬ್ಧ ಬಂದಿದ್ದು ಜನರೆಲ್ಲಭಯಭೀತರಾಗಿದ್ದಾರೆ.

ಮೂಡಿಗೆರೆ ತಾಲೂಕಿನ ಗ್ರಾಮಗಳಾದ ಬೈರಾಪುರ, ದೇವರಮನೆ, ಕೊಟ್ಟಿಗೆಹಾರ, ಚಾರ್ಮಾಡಿ, ಜಾವಳಿ, ಮಲೆಮನೆ, ಸುಂಕಸಾಲೆ, ನಿಡುವಾಳೆ, ಕೂವೆ, ಹಿರೆಬೈಲ್‌, ಕಳಸ ಮೊದಲಾದ ಭಾಗಗಳಲ್ಲಿಧಾರಾಕಾರ ಮಳೆಯಾಗುತ್ತಿದ್ದು ನದಿಗಳು ಅಪಾಯದ ಮಟ್ಟ ಮೀರಿ ಹರಿಯುತ್ತಿದೆ.