ಮಲಿನವಾಗುತ್ತಿದೆ ಹೇಮಾವತಿ ಒಡಲು ಧಿ

ಕೊಟ್ಟಿಗೆಹಾರ: ಮೂಡಿಗೆರೆ ತಾಲೂಕಿನ ಕುಡಿಯುವ ನೀರಿನ ಮೂಲದ ಹೇಮಾವತಿ ನದಿಗೆ ಬಣಕಲ್‌ ಸಮೀಪ ವಾಹನಗಳನ್ನು ಇಳಿಸಿ ತೊಳೆಯಲಾಗುತ್ತಿದ್ದು, ಹೇಮಾವತಿಯ ಒಡಲು ಮಲಿನವಾಗುತ್ತಿದೆ.

ಬಣಕಲ್‌ ಪಶು ಚಿಕಿತ್ಸಾಲಯದ ಪಕ್ಕ ಸೇತುವೆ ಬಳಿ ವಾಹನಗಳನ್ನು ತೊಳೆಯಲಾಗುತ್ತಿದೆ. ಇದರಿಂದ ವಾಹನಗಳಲ್ಲಿಇರುವ ಪೆಟ್ರೋಲಿಯಂ ಉತ್ಪನ್ನಗಳು ನೀರು ಸೇರುತ್ತಿದೆ. ಬಣಕಲ್‌ ಮೂಡಿಗೆರೆ ತಾಲೂಕಿಗೆ ಹೇಮಾವತಿ ಕುಡಿಯುವ ನೀರಿನ ಮೂಲವಾಗಿದೆ. ನದಿ ಮಲಿನಗೊಂಡರೆ ಆ ನೀರನ್ನು ಕುಡಿಯುವವರ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಲಿದೆ. ನೀರು ಕಲುಷಿತಗೊಂಡ ಪರಿಣಾಮ ಮಲೆನಾಡಿನಲ್ಲಿಮಾತ್ರಕಾಣಸಿಗುವ ಅಪರೂಪದ ಜಲಚರಗಳ ಜೀವಕ್ಕೆ ಸಂಚಕಾರ ಎದುರಾಗಿದೆ. ಅಲ್ಲದೇ ಮಲೆನಾಡಿನ ನದಿತೀರಗಳೀಗೆ ಕೆಲಕಾಲದವರೆಗೆ ವಲಸೆ ಬಂದು ಕುರುಚಲು ಪೊದೆಗಳಲ್ಲಿಗೂಡು ಕಟ್ಟಿ ಸಂತಾನೋತ್ಪತ್ತಿ ಮಾಡಿಕೊಳ್ಳುತ್ತಿದ್ದ ಹಕ್ಕಿಗಳ ಸಂಖ್ಯೆ ಕೂಡ ಕಡಿಮೆಯಾಗಿದೆ. ನದಿ ಮಲಿನಗೊಳಿಸದಂತೆ ಬಣಕಲ್‌ ಗ್ರಾಪಂ ಸಾಕಷ್ಟು ಬಾರಿ ಎಚ್ಚರಿಕೆ ನೀಡಿದರೂ ಯಾವುದೇ ಬದಲಾವಣೆ ಕಂಡುಬಂದಿಲ್ಲ. ಈ ಬಗ್ಗೆ ಕಟ್ಟುನಿಟ್ಟಿನ ಕ್ರಮ ಕೈಗೊಳುವ ಅಗತ್ಯವಿದೆ.

----------

ನದಿಯಲ್ಲಿವಾಹನ ತೊಳೆಯದಂತೆ ಸೂಚನಾಫಲಕ ಅಳವಡಿಸಲಾಗುವುದು. ವಾಹನ ನದಿಯಲ್ಲಿತೊಳೆಯುವವರ ಮೇಲೆ ಕಾನೂನು ರೀತಿಯ ಕ್ರಮ ಕೈಗೊಳ್ಳಲಾಗುವುದು.

-ಮಹೇಶ್‌, ಪಿಡಿಓ ಬಣಕಲ್‌