ಹೋಂಮೇಡ್‌ ವೈನ್‌ ಮಾರಾಟ ಅಪರಾಧ

ಚಿಕ್ಕಮಗಳೂರು: ಜಿಲ್ಲೆಯ ಕೆಲವು ಅಂಗಡಿ, ಹೋಂ ಸ್ಟೇ ಮತ್ತು ಇತರೆಡೆ ಅನಧಿಕೃತವಾಗಿ ಪರವಾನಗಿ ಇಲ್ಲದ ಹೋಂ ಮೇಡ್‌ ಎಂಬ ವೈನ್‌ ಮಾರಾಟ ಮಾಡುತ್ತಿರುವ ಬಗ್ಗೆ ದೂರುಗಳಿದ್ದು ಇಂತವರ ಬಗ್ಗೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದು ಅಬಕಾರಿ ಉಪ ಆಯುಕ್ತರ ಪ್ರಕಟಣೆ ತಿಳಿಸಿದೆ.

ಈ ರೀತಿಅನಧಿಕೃತವಾಗಿ ಪರವಾನಗಿಇಲ್ಲದೇ ವೈನ್‌ತಯಾರಿಕೆ, ಮಾರಾಟ, ಸಾಗಾಣಿಕೆ ಮತ್ತು ಶೇಖರಣೆ ಅಬಕಾರಿ ಕಾಯಿದೆ ಪ್ರಕಾರಅಪರಾಧವಾಗಿದೆ. ಇಂತಹ ಅಪರಾಧಗಳು ಕಂಡು ಬಂದಲ್ಲಿ ಕಾನೂನು ಕ್ರಮಕೈಗೊಂಡು ಮೊಕದ್ದಮೆ ದಾಖಲಿಸಲಾಗುವುದು. ಆಕ್ರಮ ವೈನ್‌ ಸಿಕ್ಕಿದಲ್ಲಿ ಜಪ್ತಿಪಡಿಸಿಕೊಂಡು ಸಂಬಂದಪಟ್ಟ ವ್ಯಕ್ತಿಯ ಮೇಲೆ ಕಾನೂನು ಕ್ರಮ ಕೈಗೊಳ್ಳಲಾಗುವುದು ಎಂದುಅಬಕಾರಿ ಉಪ ಆಯುಕ್ತರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.