ಕಳಸ: ಶ್ರೀಕ್ಷೇತ್ರ ಹೊರನಾಡು ಶ್ರೀ ಅನ್ನಪೂರ್ಣೇಶ್ವರಿ ಸನ್ನಿಧಿಯಲ್ಲಿ ಫೆ.16ರಿಂದ ಫೆ.20ರ ವರೆಗೆ ಜಾತ್ರಾಮಹೋತ್ಸವ ನಡೆಯಲಿದೆ ಎಂದು ಹೊರನಾಡಿನ ಧರ್ಮದರ್ಶಿ ಡಾ.ಜಿ.ಭೀಮೇಶ್ವರ ಜೋಷಿ ತಿಳಿಸಿದ್ದಾರೆ.
ಐದು ದಿನ ವಿವಿಧ ಧಾರ್ಮಿಕ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳೊಂದಿಗೆ ಜಾತ್ರೆ ನಡೆಯಲಿದೆ. ಫೆ.16ರಂದು ರಥೋತ್ಸವಾಂಗ ಶ್ರೀಗಣಪತಿ ಪೂಜೆ, ಶ್ರೀಗಣಪತಿ ಹೋಮ, ರಾತ್ರಿ ರಂಗ ಪೂಜೆ, 17ರಂದು ಮಧ್ಯಾಹ್ನ ಧ್ವಜಾರೋಹಣ, ರಾತ್ರಿ ಪುಷ್ಪಕರೋಹಣ ನಡೆಯಲಿದೆ.
ಫೆ. 18ರಂದು ಮಧ್ಯಾಹ್ನ 12.24ಕ್ಕೆ ಶ್ರೀ ಬ್ರಹ್ಮರಥೋತ್ಸವ, ರಾತ್ರಿ 10ಕ್ಕೆ ಶ್ರೀಮನ್‌ ಮಹಾರಥೋತ್ಸವ ನಡೆಯಲಿದೆ.
19ರಂದು ಕುಂಕುಮೋತ್ಸವ, ಅವಭೃತಸ್ನಾನ, ರಾತ್ರಿ ಇಡಿಗಾಯಿ ಸೇವೆ, ಧ್ವಜಾವರೋಹಣ, ಫೆ.20ರಂದು ನಡೆಯುವ ಸಂಪ್ರೋಕ್ಷ ಣೆಯೊಂದಿಗೆ 5 ದಿನಗಳ ಜಾತ್ರಾ ಮಹೋತ್ಸವವಕ್ಕೆ ತೆರೆಬೀಳಲಿದೆ ಎಂದು ತಿಳಿಸಿದ್ದಾರೆ.