ಚಿರತೆ ಪ್ರತ್ಯಕ್ಷ , ಗ್ರಾಮಸ್ಥರ ಆತಂಕ

ಕಡೂರು : ತಾಲೂಕಿನ ಕಾನಗೊಂಡನಹಳ್ಳಿ ಸಮೀಪದ ಗುಡ್ಡದಹಟ್ಟಿಯಲ್ಲಿ ಗುರುವಾರ ಸಂಜೆ ಚಿರತೆ ಪ್ರತ್ಯಕ್ಷ ವಾಗಿದ್ದು, ಸುತ್ತಮುತ್ತಲಿನ ಗಾಮಸ್ಥರು ಆತಂಕಗೊಂಡಿದ್ದಾರೆ.

ಗುಡ್ಡದಹಟ್ಟಿಯ ಮೂರ್ತಣ್ಣ, ಆಕಾಶ್‌ ಮತ್ತಿತರರು ಬೆಳಗ್ಗೆ ಚಿರತೆಯನ್ನು ನೋಡಿರುವುದಾಗಿ ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದರು. ಆದರೆ ಅರಣ್ಯಾಧಿಕಾರಿ ಹಾಗೂ ಅವರ ವಾಹÜನವನ್ನು ಲೋಕಸಭೆ ಚುನಾವಣೆ ಪ್ರಕ್ರಿಯೆಗೆ ಪಡೆದಿರುವುದರಿಂದ, ಗ್ರಾಮಕ್ಕೆ ತೆರಳಲು ವಾಹನವಿಲ್ಲದೆ ಸಂಜೆ ವೇಳೆಗೆ ಗ್ರಾಮಕ್ಕೆ ತೆರಳಿ ಬೋನು ಇಡಲಾಗಿದೆ. ಚಿರತೆಯ ಹೆಜ್ಜೆ ಗುರುತುಗಳನ್ನು ಗುರುತಿಸಲಾಗಿದೆ, ಗ್ರಾಮಸ್ಥರು ಸಹಕಾರ ನೀಡಬೇಕು ಎಂದು ಅರಣ್ಯಾಧಿಕಾರಿ ಪಾಲಕ್ಷ ಪ್ಪ ತಿಳಿಸಿದರು.

ಅರಣ್ಯಾಧಿಕಾರಿಗಳನ್ನು ಹಾಗೂ ಇಲಾಖೆ ವಾಹನವನ್ನು ಚುನಾವಣೆಗೆ ಬಳಸಿಕೊಂಡಿರುವುದರಿಂದ ಸಮಸ್ಯೆಯಾಗಿದೆ. ಈ ರೀತಿ ಅಧಿಕಾರಿಗಳನ್ನು ಚುನಾವಣೆಗೆ ಬಳಿಸಿಕೊಳ್ಳಬಾರದು ಎಂದು ಗ್ರಾಮಸ್ಥರು ಚುನಾವಣೆ ಆಯೋಗಕ್ಕೆ ಮನವಿ ಮಾಡಿದರು.