ಮಹಾಪುರುಷರ ಜೀವನ, ಆದರ್ಶ ಅರಿಯೋಣ

ಕೊಟ್ಟಿಗೆಹಾರ : ಮಹಾಪುರುಷರ ಜೀವನ ಮತ್ತು ಹೋರಾಟವನ್ನು ಅರಿತು ಅವರ ಚಿಂತನೆಗಳನ್ನು ಬದುಕಿನಲ್ಲಿ ಅಳವಡಿಸಿಕೊಳ್ಳೋಣ ಎಂದು ನಾರಾಯಣಗುರು ಸಮಾಜ ಸೇವಾ ಸಂಘದ ತಾಲ್ಲೂಕು ಅಧ್ಯಕ್ಷ ಪ್ರವೀಣ್‌ ಪೂಜಾರಿ ಹೇಳಿದರು.

ಚೇಗು ಗ್ರಾಮದ ಸಮುದಾಯಭವನದಲ್ಲಿ ನಡೆದ ಬ್ರಹ್ಮ ಶ್ರೀ ನಾರಾಯಣಗುರು ಪೂಜೆ ಮತ್ತು ಸಾಮೂಹಿಕ ಶ್ರೀಸತ್ಯನಾರಾಯಣ ಪೂಜೆಯ ಸಭಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು. ಜೀವನದ ಸಂಸ್ಕಾರ, ಸಂಸ್ಕೃತಿಗಳ ಹರಿಕಾರರಾಗಿ, ಸಮಾಜದಲ್ಲಿ ಅವತಾರ ಪುರುಷರೆನಿಸಿ ಜಾತಿ ಮತ ಬೇದವಿಲ್ಲದೇ ಎಲ್ಲರ ಅಭ್ಯುದಯಕ್ಕೆ ಕಾರಣರಾದವರು ನಾರಾಯಣಗುರುಗಳು. ಆಧ್ಯಾತ್ಮಿಕ ಹಾಗೂ ಸಾಮಾಜಿಕ ಚಳುವಳಿಯ ಮೂಲಕ ಅನಿಷ್ಟ ಪದ್ಧತಿಗಳನ್ನು ಕೊನೆಗಾಣಿಸಿದ ನಾರಾಯಣಗುರುಗಳ ತತ್ವ ಆದರ್ಶ ಮನೆಮನೆಗೆ ತಲುಪಿಸುವ ಕಾರ್ಯ ಆಗಬೇಕಿದೆ ಎಂದರು. ತಾಲೂಕು ಉಪಾಧ್ಯಕ್ಷ ರವಿ ಪೂಜಾರಿ, ಕಾರ್ಯದರ್ಶಿ ತಾರು ಪೂಜಾರಿ, ಸಂಘಟನಾ ಕಾರ್ಯದರ್ಶಿ ಅರುಣ್‌ ಪೂಜಾರಿ, ಬಣಕಲ್‌ ಹೋಬಳಿ ಘಟಕ ಅಧ್ಯಕ್ಷ ಸುರೇಶ್‌ ಪೂಜಾರಿ, ಬಿಳುಗುಳ ಘಟಕದ ಅಧ್ಯಕ್ಷ ವಿಶ್ವನಾಥ್‌ ಪೂಜಾರಿ, ನಗರ ಅಧ್ಯಕ್ಷ ರಾಜಶೇಖರ್‌ ಪೂಜಾರಿ, ಸದಸ್ಯರಾದ ಸುಂದರ್‌ ಜಾರ್ಗಲ್‌, ಯುವವಾಹಿನಿ ಸಂಚಾಲಕ ಸಾಗರ್‌ ಪೂಜಾರಿ, ನಾಗರಾಜ್‌ ಪೂಜಾರಿ, ಜಗದೀಶ್‌ ಟೈಲರ್‌ ಮುಂತಾದವರು ಇದ್ದರು.