ಮಧ್ವರಾಜ್‌ ಹರಕೆಯ ಕುರಿ : ಜೀವರಾಜ್‌

ಶೃಂಗೇರಿ : ಉಡುಪಿ ಚಿಕ್ಕಮಗಳೂರು ಕ್ಷೇತ್ರದ ಜೆಡಿಎಸ್‌ ಅಭ್ಯರ್ಥಿ ಪ್ರಮೋದ್‌ ಮಧ್ವರಾಜ್‌ ಹರಕೆಯ ಕುರಿಯಾಗಿದ್ದು,ಚುನಾವಣೆ ನಂತರ ಅವರ ಪರಿಸ್ಥಿತಿ ಶೋಚನೀಯವಾಗಿದೆ ಎಂದು ಜಿಲ್ಲಾ ಬಿಜೆಪಿ ಅಧ್ಯಕ್ಷ ಡಿ.ಎನ್‌.ಜೀವರಾಜ್‌ ಹೇಳಿದರು.

ಅವರು ತಾಲೂಕಿನಲ್ಲಿ ಶುಕ್ರವಾರ ಮೆಣಸೆ ಗ್ರಾಪಂ ಯ ಕಿಕ್ರೆಯಲ್ಲಿ ಚುನಾವಣಾ ಪ್ರಚಾರ ಭಾಷಣ ಮಾಡಿದರು.ಮೂಲ ಕಾಂಗ್ರೆಸಿನವರಾದ ಅವರು ಇದೀಗ ಜೆಡಿಎಸ್‌ ಚಿಹ್ನೆಯಡಿ ಸ್ಪರ್ಧೆಗೆ ಇಳಿದಿದ್ದಾರೆ.ಇದರಿಂದ ಎರಡು ಪಕ್ಷ ದ ಕಾರ್ಯಕರ್ತರಲ್ಲೂ ಗೊಂದಲವಿದೆ.ಕಾಂಗ್ರೆಸ್‌ ಚುನಾವಣಾ ಪ್ರಣಾಳಿಕೆಯಲ್ಲಿ ಸುಳ್ಳಿನ ಆಶ್ವಾಸನೆ ನೀಡಲಾಗಿದೆ. ಬಡವರ ಖಾತೆಗೆ 72 ಸಾವಿರ ರೂ ಜಮಾ ಮಾಡಲಾಗುತ್ತದೆ ಎಂಬುದು ಸಾಧ್ಯವಿಲ್ಲದ ಮಾತು. ದೇಶವನ್ನು ಸಮರ್ಥವಾಗಿ ಮುನ್ನಡೆಸುತ್ತಿರುವ ನರೇಂದ್ರ ಮೋದಿ ಸರಕಾರ ದೇಶಕ್ಕೆ ಅನಿವಾರ್ಯವಾಗಿದೆ.ಸಂಸದೆ ಶೋಭಾಕರಂದ್ಲಾಜೆ ಅವರನ್ನು ಬೆಂಬಲಿಸುವ ಮೂಲಕ ಮತ್ತೊಮ್ಮೆ ಬಿಜೆಪಿ ಅಭ್ಯರ್ಥಿಯನ್ನು ಆಯ್ಕೆ ಮಾಡಬೇಕು ಎಂದು ಮನವಿ ಮಾಡಿದರು. ಬಿಜೆಪಿ ಅಧ್ಯಕ್ಷ ಎಚ್‌.ಎಸ್‌.ನಟೇಶ್‌,ಜಿಪಂ ಮಾಜಿ ಸದಸ್ಯ ಎಂ.ಎಸ್‌.ರಂಗನಾಥ್‌,ಕುಂತೂರು ನಾಗೇಶ್‌,ರಾಜೇಶ್‌ ಮತ್ತಿತರರು ಇದ್ದರು.