ಚುನಾವಣಾ ಕರ್ತವ್ಯ ಅಚ್ಚುಕಟ್ಟಾಗಿ ನಿರ್ವಹಿಸಿ

ನರಸಿಂಹರಾಜಪುರ : ಚುನಾವಣಾ ಕರ್ತವ್ಯವನ್ನು ಅಚ್ಚುಕಟ್ಟಾಗಿ ನಿರ್ವಹಿಸಬೇಕು ಎಂದು ತಾ.ಪಂ. ಇಓ ಕೆ.ಹೊಂಗಯ್ಯ ಅಧಿಕಾರಿಗಳಿಗೆ ಸೂಚಿಸಿದರು.

ತಾ.ಪಂ. ಸಾಮರ್ಥ್ಯ‌ಸೌಧದಲ್ಲಿ ಗುರುವಾರ ನಡೆದ ತಾಲೂಕು ಮಟ್ಟದ ಸ್ವೀಪ್‌ ಸಮಿತಿ ಸಭೆಯ ಅಧ್ಯಕ್ಷ ತೆ ವಹಿಸಿ ಅವರು ಮಾತನಾಡಿದರು. ಸಭೆಯಲ್ಲಿ ಎಲ್ಲ ಇಲಾಖೆಗಳು ತಮ್ಮ ಇಲಾಖೆ ವತಿಯಿಂದ ದಿನಾಂಕ ನಿಗದಿ ಪಡಿಸಿ,ಅದರಂತೆ ಕಾರ್ಯಕ್ರಮಗಳನ್ನು ನಡೆಸಿ ವರದಿ ನೀಡುವಂತೆ ಸೂಚಿಸಿದರು.

ಆರೋಗ್ಯ ಇಲಾಖೆಯ ಹಿರಿಯ ಆರೋಗ್ಯ ನಿರೀಕ್ಷ ಕ ಪ್ರಭಾಕರ್‌ ಮಾತನಾಡಿ, ಮಾ.10 ರಿಂದ 12ರವರೆಗೆ ಪಲ್ಸ್‌ ಪೋಲಿಯೊ ಕಾರ್ಯಕ್ರಮ ನಡೆಯಲಿದ್ದು, ಇಲಾಖೆ ವತಿಯಿಂದ ಮಾ. 9 ರಂದು ಜಾಥಾ ಆಯೋಜಿಸಲಾಗಿದೆ ಎಂದರು.

ಸ್ವೀಪ್‌ ಸಮಿತಿ ನೋಡೆಲ್‌ ಅಧಿಕಾರಿ ಎನ್‌.ಎಲ್‌.ಮನೀಷ್‌ ಮಾತನಾಡಿ, ಆ ಜಾಥಾದೊಂದಿಗೆ ಮತದಾನದ ಬಗ್ಗೆಯೂ ಪ್ರಚಾರ ಮಾಡಬಹುದು ಹಾಗೂ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಬಹುದಾಗಿದೆ ಎಂದರು.

ಇಓ ಕೆ.ಹೊಂಗಯ್ಯ ಮಾತನಾಡಿ, ಯಾವ ಬೂತ್‌ಗಳಲ್ಲಿ ಎಷ್ಟೆಷ್ಟು ವಿಕಲ ಚೇತನ ಮತದಾರರಿದ್ದಾರೆ, ಎಷ್ಟು ವೀಲ್‌ಛೇರ್‌ಗಳು ಬೇಕಾಗಬಹುದು, ಎಲ್ಲ ಬೂತ್‌ಗಳಲ್ಲೂ ರಾರ‍ಯಂಪ್‌ ವ್ಯವಸ್ಥೆ ಇದೆಯೇ, ವಿದ್ಯುತ್‌, ಕುಡಿಯುವ ನೀರು ಶೌಚಾಲಯಗಳು ಇವೆಯೇ ಎಂದು ಸ್ಪಷ್ಟವಾದ ಮಾಹಿತಿಯನ್ನು ಬೂತ್‌ಗಳಿಗೆ ಭೇಟಿ ನೀಡಿ ನೀಡುವಂತೆ ಸೂಚಿಸಿದರು.

ನೋಡಲ್‌ ಅಧಿಕಾರಿ ಎನ್‌.ಎಲ್‌.ಮನೀಷ್‌ ಮಾತನಾಡಿದರು. ತಹಸೀಲ್ದಾರ್‌ ಚಂದ್ರಶೇಖರ್‌ ನಾಯ್ಕ್‌, ಶಿರಸ್ತೇದಾರ್‌ ನಾಗೇಂದ್ರನಾಯ್ಕ್‌, ಗ್ರಾಮಲೆಕ್ಕಿಗ ಮಂಜುನಾಥ್‌, ಕೃಷಿ ಸಹಾಯಕ ನಿರ್ದೆಶಕ ಪರಮೇಶ್ವರ, ಆರೋಗ್ಯ ಹಿರಿಯ ನಿರೀಕ್ಷ ಕ ಪ್ರಭಾಕರ್‌, ಬಿಸಿಎಂ ಇಲಾಖೆ ಅಧಿಕಾರಿ ಧರ್ಮರಾಜ್‌, ಮೀನುಗಾರಿಕೆ ಇಲಾಖೆ ಸಹಾಯಕ ನಿರ್ದೇಶಕ ಅಶ್ವಥ್‌ರೆಡ್ಡಿ, ಕಛೇರಿ ವ್ಯವಸ್ಥಾಪಕಿ ಎಚ್‌.ಪಿ.ಮೀನಾಕ್ಷಿ ಮುಂತಾದವರು ಉಪಸ್ಥಿತರಿದ್ದರು.