ರಾ.ಹೆ. ಪ್ರಾಧಿಕಾರದಿಂದ ಅನ್ಯಾಯ: ಡೆತ್ ನೋಟ್ ಬರೆದಿಟ್ಟು ಶ್ರೀಗಂಧ ಬೆಳೆಗಾರ ನಾಪತ್ತೆ

ಚಿಕ್ಕಮಗಳೂರು : ರಾಷ್ಟ್ರೀಯ ಹೆದ್ದಾರಿಗಾಗಿ ರೈತರು ಬೆಳೆದ ಶ್ರೀಗಂಧದ ಮರಗಳನ್ನು ಹನನ ಮಾಡಲಾಗಿದ್ದು, ಪರಿಹಾರದ ಹಣ ಕೈ ಸೇರದ ಪರಿಣಾಮ ನೊಂದ ಶ್ರೀಗಂಧ ಬೆಳೆಗಾರರೊಬ್ಬರು ಮರಣ ಪತ್ರ ಬರೆದು, ವಿಡಿಯೋ ಮಾಡಿ ನಾಪತ್ತೆಯಾದ ಘಟನೆ ಚಿಕ್ಕಮಗಳೂರಿನಲ್ಲಿ ನಡೆದಿದೆ.

ಚಿಕ್ಕಮಗಳೂರು ಜಿಲ್ಲೆ ತರೀಕೆರೆ ಪಟ್ಟಣದ ಟಿ.ಎನ್. ವಿಶುಕುಮಾರ್ ಡೆತ್ ನೋಟ್ ಬರೆದು, ವಿಡಿಯೋ ಮಾಡಿ ಕಣ್ಮರೆಯಾಗಿದ್ದಾರೆ.
ಕುಟುಂಬದವರನ್ನ ಉದ್ದೇಶಿಸಿ ವಿಡಿಯೋ ಮಾಡಿ, ನಿಮಗೆಲ್ಲಾ ಮೋಸ ಮಾಡಿ ಹೋಗುತ್ತಿದ್ದೇನೆ ಎಂದು ಕಣ್ಣೀರು ಹಾಕಿ ನಾಪತ್ತೆಯಾಗಿದ್ದಾರೆ.

ರಾಷ್ಟ್ರೀಯ ಹೆದ್ದಾರಿಗಾಗಿ ರೈತರು ಬೆಳೆದ ಶ್ರೀಗಂಧದ ಮರಗಳನ್ನು ಹನನ ಮಾಡಲಾಗಿದ್ದು, ಸಂತ್ರಸ್ತರಿಗೆ ಸೂಕ್ತ ಪರಿಹಾರ ನೀಡುವಂತೆ ಹೈಕೋರ್ಟ್ ಆದೇಶಿಸಿದ್ದರೂ, ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ನಿರ್ಲಕ್ಷ್ಯ ತೋರಲಾಗಿದೆ ಎಂದು ಅವರು ಆರೋಪಿಸಿದ್ದಾರೆ.
ಶ್ರೀಗಂಧಕ್ಕೆ ಹೆಚ್ಚುತ್ತಲೇ ಇದೆ ಬೇಡಿಕೆ..! ಚಿಲ್ಲರೆ ಮಾರಾಟದಿಂದಲೇ ಮೈಸೂರು ಡಿಪೋಗೆ 6 ಕೋಟಿ ರೂ. ಆದಾಯ

ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರವು 22 ಮಂದಿ ರೈತರಿಗೆ ಪರಿಹಾರ ನೀಡಲು ಮೀನಾಮೇಷ ಎಣಿಸುತ್ತಿದ್ದು, ಪರಿಹಾರದ ಹಣಕ್ಕಾಗಿ ಸಂತ್ರಸ್ತರು ಅಲೆದು ಅಲೆದು ಸುಸ್ತಾದರೂ ಪರಿಹಾರ ಮಾತ್ರ ಕೈ ಸೇರಿಲ್ಲ.

3 ದಿನದ ಹಿಂದೆ ತುಮಕೂರಿನ ಪ್ರಾಧಿಕಾರ ಕಚೇರಿಯೆದುರು ಪ್ರತಿಭಟನೆ ನಡೆಸಿದ್ದರೂ ಯಾವುದೇ ಪ್ರಯೋಜನವಾಗಿಲ್ಲ. ಈ ಹಿನ್ನಲೆಯಲ್ಲಿ ನೊಂದ ಶ್ರೀಗಂಧ ಬೆಳೆಗಾರ ವಿಶುಕುಮಾರ್ ಮರಣ ಪತ್ರ ಬರೆದಿಟ್ಟು, ವಿಡಿಯೋ ಮಾಡಿ ನಾಪತ್ತೆಯಾಗಿದ್ದಾರೆ.