ಬಿದ್ದ ಮರ ತೆರವು ಮಾಡದೇ ನಿರ್ಲಕ್ಷ್ಯ

ಕಳಸ: ಕಳಸ-ಹೊರನಾಡು ರಸ್ತೆಗೆ ಮರವೊಂದು ಬಿದ್ದು ತಿಂಗಳು ಕಳೆದರೂ ಕೂಡ ಅದನ್ನು ತೆರವು ಮಾಡದೆ ನಿರ್ಲಕ್ಷ ್ಯವಹಿಸಲಾಗುತ್ತಿದೆ.

ಕಳೆದ ವರ್ಷ ಮಳೆಗಾಲ ಸಂದರ್ಭದಲ್ಲಿ ಈ ಮರ ಉರುಳಿ ಪುಟ್‌ಪಾತ್‌ ಮೇಲೆ ಉರುಳಿತ್ತು. ಮರ ಉರುಳಿ ಒಂದು ವರ್ಷವಾದರೂ ಅದನ್ನು ತೆರವು ಮಾಡದೆ ಪುಟ್‌ಪಾತ್‌ನ ಮಣ್ಣಿನ ಮೇಲೆಯೆ ಇತ್ತು. ಈ ಬಾರಿ ಜೋರಾಗಿ ಮಳೆ ಬಿದ್ದ ಸಂದರ್ಭ ಅದು ಪುಟ್‌ ಪಾತ್‌ನಿಂದ ನೇರವಾಗಿ ರಸ್ತೆಗೆ ಬಿದ್ದಿದೆ. ಇದು ಬಿದ್ದು ಈಗಾಗಲೇ ಒಂದು ತಿಂಗಳುಗಳೆ ಕಳೆದಿವೆ. ಆದರೆ ಇದಕ್ಕೆ ಸಂಬಂದಪಟ್ಟವರು ತೆರವು ಮಾಡದೇ ಹಾಗೆಯೇ ಬಿಡಲಾಗಿದೆ.

ಕಳಸ-ಹೊರನಾಡು ಮುಖ್ಯ ರಸ್ತೆಯಲ್ಲಿಯೇ ಇದ್ದು ಪ್ರತಿ ನಿತ್ಯ ಈ ರಸ್ತೆಯಲ್ಲಿ ನೂರಾರು ವಾಹನಗಳು ಓಡಾಡುತ್ತಿರುತ್ತವೆ. ಶಾಲಾ, ಕಾಲೇಜು ಮಕ್ಕಳು ಇದೇ ರಸ್ತೆಯ ಮುಖಾಂತರ ಹೋಗಬೇಕು. ಅತ್ಯಂತ ತಿರುವಿನಲ್ಲಿ ರಸ್ತೆ ಮೇಲೆ ಮರ ಇರುವುದಿಂದ ರಾತ್ರಿ ಮಂಜು ಮುಸುಕಿದ ವಾತಾವರಣದಲ್ಲಿ ವಾಹನ ಸವಾರರಿಗೆ ಗಮನಕ್ಕೆ ಬರುವುದಿಲ್ಲ. ಇದರಿಂದ ಇಲ್ಲಿ ದೊಡ್ಡ ಅನಾಹುತ ಸಂಭವಿಸುವ ಸಾಧ್ಯತೆ ಇದೆ. ಕೂಡಲೇ ಸಂಬಂಧಿಸಿದವರು ಬಿದ್ದ ಮರವನ್ನು ತೆರವು ಮಾಡಿಕೊಡಬೇಕು ಎಂದು ಗ್ರಾಮಸ್ಥರು ಒತ್ತಾಯಿಸಿದ್ದಾರೆ.