ಅರಣ್ಯ ರಕ್ಷ ಕನ ಮೇಲೆ ಅಧಿಕಾರಿ ಹಲ್ಲೆ

ಕಳಸ (ಚಿಕ್ಕಮಗಳೂರು): ಕಡತವೊಂದಕ್ಕೆ ಸಹಿ ಹಾಕುವಂತೆ ಪೀಡಿಸಿ ಹಿರಿಯ ಅರಣ್ಯ ಅಧಿಕಾರಿಯೊಬ್ಬರು ಅರಣ್ಯ ರಕ್ಷ ಕನಿಗೆ ಹಲ್ಲೆ ಮಾಡಿದ ಘಟನೆ ನಡೆದಿದ್ದು, ಈ ಕುರಿತ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗಿದೆ.

ಕಳಸ ಅರಣ್ಯ ಇಲಾಖೆ ಬಾಳೆಹೊಳೆ ಶಾಖೆಯ ಉಪವಲಯ ಅರಣ್ಯಾಧಿಕಾರಿ ಎಂ.ವೀರಭದ್ರ ಎಂಬುವವರು ಅರಣ್ಯ ರಕ್ಷಕ ಕೀರ್ತನ್‌ ಅವರನ್ನು ಕಡತಕ್ಕೆ ಸಹಿ ಹಾಕುವಂತೆ ಬಲವಂತ ಮಾಡುತ್ತಿರುವುದು ಹಾಗೂ ಕೈ ದೂಡುತ್ತಿರುವುದು ವಿಡಿಯೊದಲ್ಲಿ ಬಹಿರಂಗವಾಗಿದೆ. ಕಳಸ ಅರಣ್ಯ ಇಲಾಖೆ ಕಚೇರಿಯ ಕೊಠಡಿಯಲ್ಲೇ ಈ ಘಟನೆ ನಡೆದಿದೆ.

ಸರಕಾರಿ ಜಮೀನು ಅಕ್ರಮ ಸಕ್ರಮ ಕುರಿತು 94ಸಿ ಪ್ರಕರಣದಡಿ ಇಲಾಖೆ ಅಭಿಪ್ರಾಯಗಳ ಕುರಿತ ಪಂಚನಾಮೆ, ನಾಕಾಶೆಗಳನ್ನು ಹಿರಿಯ ಅರಣ್ಯ ಅಧಿಕಾರಿ ತಾವೇ ತಯಾರಿಸಿ, ದಾಖಲೆಗಳನ್ನು ಮುಚ್ಚಿಟ್ಟು ಅರಣ್ಯ ರಕ್ಷ ಕ, ತೋಟದೂರ್‌ ಬೀಟ್‌ ಬಾಳೆಹೊಳೆ ಶಾಖೆಯ ಕೀರ್ತನ್‌ ಅವರಿಗೆ ಸಹಿ ಮಾಡಲು ಒತ್ತಾಯಿಸಿದ್ದಾರೆ. ಆದರೆ ಕಡತಗಳನ್ನು ನೋಡದೆ ಅದಕ್ಕೆ ಸಹಿ ಹಾಕಲು ಅರಣ್ಯ ರಕ್ಷ ಕ ಒಪ್ಪಿಲ್ಲ. ಅರಣ್ಯಾಧಿಕಾರಿಯವರು, ಕಡತಗಳನ್ನಿಟ್ಟು ಕೀರ್ತನ್‌ಗೆ ಸಹಿ ಹಾಕುವಂತೆ ಪೀಡಿಸಿ, ಹಲ್ಲೆ ಮಾಡುತ್ತಿರುವುದು ವಿಡಿಯೊದಲ್ಲಿದೆ. ಈ ಪ್ರಕರಣ ಕುರಿತು ಮೇಲಧಿಕಾರಿಗಳ ಗಮನಕ್ಕೆ ತರಲಾಗಿದೆ ಎಂದು ತಿಳಿದು ಬಂದಿದೆ.