ಚಿಕ್ಕಮಗಳೂರು: ಕೊಲೆಯಾದಾತನ ಮನೆಗೆ ಹೋಗಿ ನಾನೇ ಕೊಲೆ ಮಾಡಿದ್ದು ಎಂದ ಭೂಪ

ಚಿಕ್ಕಮಗಳೂರು: ಇಬ್ಬರ ಮಧ್ಯೆ ನಡೆದ ಗಾರೆ ಕೆಲಸದ ಹಣದ ಗಲಾಟೆ ಕೊಲೆಯಲ್ಲಿ ಅಂತ್ಯವಾಗಿದೆ. ಹತ್ಯೆಗೈದ ಆರೋಪಿ ಕೊಲೆಯಾದಾತನ ಮನೆಗೆ ಹೋಗಿ ನಾನೇ ಕೊಲೆ ಮಾಡಿದ್ದು ಎಂದು ಹೇಳಿ ಪರಾರಿಯಾಗಿರುವ ಘಟನೆ ಚಿಕ್ಕಮಗಳೂರು ಜಿಲ್ಲೆಯ ತರೀಕೆರೆ ತಾಲೂಕಿನ ಲಕ್ಕವಳ್ಳಿ ಗ್ರಾಮದಲ್ಲಿ ನಡೆದಿದೆ.

ಲಕ್ಕವಳ್ಳಿ ಗ್ರಾಮದ ರಾಮಯ್ಯ (65) ಕೊಲೆಯಾದ ವ್ಯಕ್ತಿ. ತೆರಚಾಲಯ್ಯ ಎಂಬಾತ ಕೊಲೆ ಮಾಡಿದ್ದು, ರಾಮಯ್ಯ ಮನೆಯವರಿಗೆ ಶವ ತೋರಿಸಿ ಪರಾರಿಯಾಗಿದ್ದಾನೆ. ಗಾರೆ ಕೆಲಸಕ್ಕೆಂದು 10 ಸಾವಿರ ರೂ. ಮುಂಗಡ ಪಡೆದುಕೊಂಡಿದ್ದರು. ಹಣ ಹಂಚಿಕೊಳ್ಳುವಾಗ ನಡೆದಿರುವ ಗಲಾಟೆ ಕೊಲೆಯಲ್ಲಿ ಅಂತ್ಯವಾಗಿದೆ.

ಹಣದ ವಿಚಾರಕ್ಕಾಗಿ ರಾಮಯ್ಯನನ್ನು ಕೊಲೆಗೈದು ಗಿಡಗಂಟೆಗಳ ಪೊದೆಗೆ ತೆರಚಾಲಯ್ಯ ಬಿಸಾಡಿದ್ದ. ಬಳಿಕ ರಾಮಯ್ಯನ ಮನೆಯವರಿಗೆ ಶವ ತೋರಿಸಿ ಆರೋಪಿ ಪರಾರಿಯಾಗಿದ್ದಾನೆ. ಲಕ್ಕವಳ್ಳಿ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು, ಪ್ರಕರಣ ದಾಖಲಾಗಿದೆ.