ಜೇಡರ ಬಲೆಯಂತಾದ ವಿದ್ಯುತ್‌ ಕಂಬ

ಕೊಟ್ಟಿಗೆಹಾರ : ಕೊಟ್ಟಿಗೆಹಾರ ಮುಖ್ಯರಸ್ತೆ ಪಕ್ಕದಲ್ಲಿ ವಿದ್ಯುತ್‌ ಕಂಬಕ್ಕೆ ಹತ್ತಾರು ವೈರ್‌ಗಳು ಹಾಗೂ ಕೇಬಲ್‌ಗಳು ಸುತ್ತಿಕೊಂಡಿದ್ದು ಜೇಡರ ಬಲೆಯಂತಾಗಿದೆ.

ಮೆಸ್ಕಾಂ ವಿದ್ಯುತ್‌ ಮಾರ್ಗ ಹಾದು ಹೋಗಿರುವ ಈ ಕಂಬದಲ್ಲೆ ಡಿಶ್‌, ದೂರವಾಣಿ ಮತ್ತು ವಿದ್ಯುತ್‌ ತಂತಿಗಳನ್ನು ಅಡ್ಡದಿಡ್ಡಿ ಎಳೆಯಲಾಗಿದ್ದು ಹತ್ತಾರು ಮನೆಗಳು ಇದೇ ಕಂಬದಿಂದ ಕೇಬಲ್‌ ಮತ್ತು ವಿದ್ಯುತ್‌ ಸಂಪರ್ಕ ನೀಡಲಾಗಿದೆ. ಮೆಸ್ಕಾಂ ಸಿಬ್ಬಂದಿ ಅಥವಾ ದುರಸ್ತಿ ಮಾಡುವವರು ವಿದ್ಯುತ್‌ ಕಂಬ ಹತ್ತಿದ್ದರೆ ಅನಾಹುತ ಸಂಭವಿಸುವ ಸಾಧ್ಯತೆ ಇದೆ.

ಹಲವು ಬಾರಿ ಮೆಸ್ಕಾಂ ಮತ್ತು ಡಿಶ್‌ ಕೇಬಲ್‌ ಆಪರೇಟರ್‌ಗಳ ಗಮನಕ್ಕೆ ತಂದರೂ ಪ್ರಯೋಜನವಾಗಿಲ್ಲ, ಕೂಡಲೇ ಈ ಬಗ್ಗೆ ಕ್ರಮ ಕೈಗೊಳ್ಳುವಂತೆ ಸಾರ್ವಜನಿಕರು ಆಗ್ರಹಿಸಿದ್ದಾರೆ.