ಗೆಲುವಿನ ನಗೆ ಬೀರಿದ ಪ್ರಸನ್ನ

ತರೀಕೆರೆ ಗ್ರಾಮಾಂತರ : ಲಿಂಗದಹಳ್ಳಿ ಹೋಬಳಿಯ ಸುಣ್ಣದಹಳ್ಳಿ ಗ್ರಾ.ಪಂ. ವ್ಯಾಪ್ತಿಯ ನಂದಿ ಗ್ರಾಮದ ಸಾಮಾನ್ಯ ಕ್ಷೇತ್ರಕ್ಕೆ ನಡೆದ ಉಪ ಚುನಾವಣೆಯಲ್ಲಿ ಪ್ರಸನ್ನಕುಮಾರ್‌ ಗೆಲುವು ಪಡೆದಿದ್ದಾರೆ.

ಸದಸ್ಯರಾಗಿದ್ದ ನಂದಿ ಕ್ಷೇತ್ರದ ಚನ್ನಬಸಪ್ಪ ಅನಾರೋಗ್ಯದಿಂದ ಮರಣ ಹೊಂದಿದ್ದ ಕಾರಣ ಉಪ ಚುನಾವಣೆ ನಡೆಸಲಾಗಿತ್ತು. ಒಟು 963 ಮತದಾರರಿರುವ ಕ್ಷೇತ್ರದಲ್ಲಿ 657 ಮತಗಳು ಚಲಾವಣೆಯಾಗಿದ್ದವು. ಶುಕ್ರವಾರ ನಡೆದ ಮತ ಎಣಿಕೆಯಲ್ಲಿ ಪ್ರಸನ್ನಕುಮಾರ್‌ 388 ಮತ ಪಡೆದು ಗೆಲುವು ಸಾಧಿಸಿದ್ದು, ಪ್ರತಿಸ್ಪರ್ಧಿ ಚಂದ್ರಪ್ಪ 257 ಮತ ಪಡೆದುಕೊಂಡಿದ್ದಾರೆ. 12 ಮತ ತಿರಸ್ಕೃತಗೊಂಡಿವೆ.ನೂತನ ಸದಸ್ಯ ಪ್ರಸನ್ನಕುಮಾರ್‌ ಅವರನ್ನು ಶಾಸಕ ಡಿ.ಎಸ್‌.ಸುರೇಶ್‌ ಅಭಿನಂದಿಸಿದರು.