ಮಲೆನಾಡಲ್ಲಿ ಇನ್ನೂ ನಿಂತಿಲ್ಲ ನಿರಾಶ್ರಿತರ ರಕ್ಷಣೆ

ಚಿಕ್ಕಮಗಳೂರು: ಮೂಡಿಗೆರೆ ತಾಲೂಕಿನ ಆಲೇಖಾನ್‌ ಹೊರಟ್ಟಿಯಲ್ಲಿ ಕಳೆದೊಂದು ವಾರದಿಂದ ಗ್ರಾಮದಲ್ಲೇ ಇದ್ದ 12 ಜನರನ್ನು ಅಗ್ನಿಶಾಮಕ ಸಿಬ್ಬಂದಿ ಮಂಗಳವಾರ ರಕ್ಷಿಸಿದ್ದಾರೆ.

ಗ್ರಾಮದ ಸುತ್ತಲೂ ಗುಡ್ಡ ಕುಸಿದಿದ್ದರಿಂದ ಗ್ರಾಮದಲ್ಲೇ ಜನರು ಇದ್ದರು. ದುರ್ಗಮ ಹಾದಿಯಲ್ಲಿ ತೆರಳಿದ ಅಗ್ನಿ ಶಾಮಕ ದಳದ ಸಿಬ್ಬಂದಿ,ಇಬ್ಬರು ರೋಗಿಗಳನ್ನ ಸುಮಾರು 2 ಕಿ.ಮೀ.ಹೊತ್ತುಕೊಂಡೇ ಬಂದಿದ್ದಾರೆ.

ಮನೆಯಲ್ಲಿದ್ದ ನಾಯಿಗಳನ್ನು ಸಹ ರಕ್ಷಿಸಲಾಗಿದೆ. ಇದೇ ಗ್ರಾಮದಲ್ಲಿ ಸೈನಿಕರು 76 ಜನರನ್ನ ರಕ್ಷಿಸಿದ್ದರು.

ನಾವು ಮನೆ ಬಿಟ್ಟು ಬರಲ್ಲ ಎಂದು 8 ಜನ ಅಲ್ಲೇ ಇದ್ದರು. ಕೊನೆಗೂ ಮನವೊಲಿಸಿ 8 ಜನರನ್ನು ಅಗ್ನಿಶಾಮಕ ಸಿಬ್ಬಂದಿ

ರಕ್ಷಿಸಿದ್ದಾರೆ.

ಕುಸಿದು ಬಿದ್ದ 30 ಮನೆಗಳು: ಮೂಡಿಗೆರೆ ತಾಲೂಕಿನ ಕೆಳಗೂರು ಗ್ರಾಮದಲ್ಲಿ 30 ಮನೆಗಳು ಕುಸಿದು ಬಿದ್ದಿದ್ದು, ಲಕ್ಷಾಂತರ ರೂ. ಮೌಲ್ಯದ ಗೃಹೋಪಯೋಗಿ ವಸ್ತುಗಳು ಸಂಪೂರ್ಣ ನಾಶವಾಗಿವೆ.

ದುರ್ಗದಹಳ್ಳಿ ಸಮೀಪ ಗೌಡ್ಲು ಕೂಡಿಗೆ ಗ್ರಾಮದಲ್ಲಿ ಕಳೆದ 5 ದಿನಗಳಿಂದ ಸಂಕಷ್ಟದಲ್ಲಿ ಸಿಲುಕಿದ 7 ಮಂದಿ ರಕ್ಷಿಸಲಾಗಿದೆ.

ಜಾವಳಿಯ ಯುವಕರು ದುರ್ಗಮ ರಸ್ತೆಯಲ್ಲಿ ಹೋಗಿ, ನದಿಯನ್ನ ದಾಟಿ ಐವರು ಹಿರಿ ಜೀವಗಳು ಸೇರಿದಂತೆ 7 ಮಂದಿಯನ್ನು ಸುರಕ್ಷಿತ ಸ್ಥಳಕ್ಕೆ ಕರೆತಂದಿದ್ದಾರೆ.