ಜಿಲ್ಲೆಯ ಮಲೆನಾಡು ಭಾಗದಲ್ಲಿ ಮಳೆ

ಚಿಕ್ಕಮಗಳೂರು : ಜಿಲ್ಲೆಯಲ್ಲಿ ಕಳೆದ ಕೆಲ ದಿನದಿಂದ ಬಿಡುವು ನೀಡಿದ್ದ ಮಳೆ ಗುರುವಾರ ರಾತ್ರಿಯಿಂದ ಮಲೆನಾಡು ಭಾಗದಲ್ಲಿ ಚುರುಕಾಗಿದೆ. ಮೂಡಿಗೆರೆ, ಶೃಂಗೇರಿ, ಕೊಪ್ಪ ಮತ್ತು ನರಸಿಂಹರಾಜಪುರ ತಾಲೂಕುಗಳಲ್ಲಿ ಗುರುವಾರ ರಾತ್ರಿಯಿಂದಲೇ ಉತ್ತಮ ಮಳೆಯಾಗಿದೆ. ತುಂಗ, ಭದ್ರ ಹಾಗೂ ಹೇಮಾವತಿ ನದಿಗಳಲ್ಲಿ ನೀರಿನ ಹರಿವು ಹೆಚ್ಚಾಗಿದೆ.

ಚಿಕ್ಕಮಗಳೂರು ನಗರ ಸೇರಿದಂತೆ ಸುತ್ತಲ ಪ್ರದೇಶಗಳಲ್ಲಿಯೂ ಶುಕ್ರವಾರ ಬೆಳಗಿನಿಂದಲೂ ನಿರಂತರವಾಗಿ ಸೋನೆ ಮಳೆ ಸುರಿಯಿತು. ಕಳೆದ 24 ಗಂಟೆಗಳಲ್ಲಿ ಜಿಲ್ಲೆಯಲ್ಲಿ 13 ಮಿ.ಮೀ. ಮಳೆಯಾಗಿದೆ. ಚಿಕ್ಕಮಗಳೂರು ತಾಲೂಕಿನಲ್ಲಿ ಸರಾಸರಿ 9ಮಿ.ಮೀ, ಕಡೂರು ತಾಲೂಕಿನಲ್ಲಿ 2, ಕೊಪ್ಪ 19, ಮೂಡಿಗೆರೆ 24, ನರಸಿಂಹರಾಜಪುರ 13, ಶೃಂಗೇರಿ 42 ಹಾಗೂ ತರೀಕೆರೆ ತಾಲೂಕಿನಲ್ಲಿ 6 ಮಿ.ಮೀ. ಮಳೆಯಾಗಿದೆ.

ಹೋಬಳಿವಾರು ಮಳೆ ವಿವರ:

ಚಿಕ್ಕಮಗಳೂರು ತಾಲೂಕಿನ ಕಸಬಾ ಹೋಬಳಿ 36 ಮಿಮೀ, ಅಂಬಳೆ ಹೋಬಳಿ 6, ಆಲ್ದೂರು 10, ಸಂಗಮೇಶ್ವರಪೇಟೆ 19, ಕಳಸಾಪುರ 2, ಆವತಿ 16, ಜಾಗರ 10, ವಸ್ತಾರೆ 9, ಕಡೂರು ತಾಲೂಕಿನ ಬೀರೂರು 2, ಹಿರೇನಲ್ಲೂರು 1, ಸಖರಾಯಪಟ್ಟಣ 1, ಸಿಂಗಟಗೆರೆ 3, ಯಗಟಿ 1, ಹಿರೇಚೌಳೂರು 1, ಪಂಚನಹಳ್ಳಿ ಹೋಬಳಿಯಲ್ಲಿ 11 ಮಿ.ಮೀ. ಮಳೆಯಾಗಿದೆ.

ಕೊಪ್ಪ ತಾಲೂಕಿನ ಕಸಬಾ ಹೋಬಳಿಯಲ್ಲಿ 11, ಹರಿಹರಪುರ 17, ಮೇಗುಂದ 26, ಮೂಡಿಗೆರೆ ತಾಲೂಕಿನ ಕಸಬಾ 17, ಬಣಕಲ್‌ 22, ಗೋಣಿಬೀಡು 27, ಕಳಸ 25, ಜಾವಳಿ 24, ನರಸಿಂಹರಾಜಪುರ ತಾಲೂಕಿನ ಕಸಬಾ 13, ಬಾಳೆಹೊನ್ನೂರು 13, ಶೃಂಗೇರಿ 31, ಕಿಗ್ಗ 46, ತರೀಕೆರೆ ಕಸಬಾ 10, ಅಜ್ಜಂಪುರ 2, ಅಮೃತಾಪುರ 6, ಲಕ್ಕವಳ್ಳಿ 14, ಲಿಂಗದಹಳ್ಳಿ 3 ಹಾಗೂ ಶಿವನಿ ಹೋಬಳಿಯಲ್ಲಿ 1 ಮಿ.ಮೀ. ಮಳೆಯಾಗಿದೆ.