ಡೆಂಗೆ, ಚಿಕೂನ್‌ಗುನ್ಯ ನಿಯಂತ್ರಿಸಲು ಮನವಿ

ಚಿಕ್ಕಮಗಳೂರು : ನಗರದ ಸಂತೆ ಮೈದಾನ ಮತ್ತಿತರ ಕಡೆ ಹರಡುತ್ತಿರುವ ಚಿಕುನ್‌ಗುನ್ಯ ಮತ್ತು ಡೆಂಗೆ ರೋಗ ತಡೆಯಲು ನಮಗಸಭೆಗೆ ಸೂಕ್ತ ನಿರ್ದೇಶನ ನೀಡಬೇಕು ಎಂದು ಆ ಭಾಗದ ನಿವಾಸಿಗಳು ಜಿಲ್ಲಾಧಿಕಾರಿ ಎಂ.ಕೆ.ಶ್ರೀರಂಗಯ್ಯ ಅವರಿಗೆ ಮನವಿ ನೀಡಿ ಆಗ್ರಹಿಸಿದರು.

ಸಿಪಿಐ ಮುಖಂಡ ರಘ ನೇತೃತ್ವದಲ್ಲಿ ಶುಕ್ರವಾರ ಡಿಸಿ ಶ್ರೀರಂಗಯ್ಯ ಅವರನ್ನು ಭೇಟಿಯಾದ ನಿವಾಸಿಗಳು ಬಡಾವಣೆ ಜನರ ಸಂಕಷ್ಟ ತೆರೆದಿಟ್ಟರು.ತಮಿಳು ಕಾಲೊನಿ, ಎಕೆ ಕಾಲೊನಿ, ಸಂತೆ ಮೈದಾನದ ಸುತ್ತ ಮುತ್ತ ಕೊಳಚೆ ನೀರು ಹರಿಯುತ್ತಿದೆ. ಸಂತೆ ತ್ಯಾಜ್ಯವನ್ನೆಲ್ಲಾ ತಂದು ಸುರಿಯುತ್ತಿದ್ದು ಇದರಿಂದ ಇಡೀ ಪ್ರದೇಶವೆ ಮಲಿನವಾಗಿ ಕಾಯಿಲೆಗಳು ಹರಡಲು ಕಾರಣವಾಗಿದೆ. ಈಗಾಗಲೇ ಈ ಭಾಗದಲ್ಲಿ ಒಬ್ಬ ವ್ಯಕ್ತಿ ಡೆಂಗೆಯಿಂದ ಸಾವನ್ನಪ್ಪಿದ್ದು, 100 ಕ್ಕೂ ಹೆಚ್ಚು ಜನ ಚಿಕುನ್‌ ಗುನ್ಯ ಮತ್ತು ಡೆಂಗೆಯಿಂದ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಈ ಮೂರು ಬಡಾವಣೆಯಲ್ಲಿ ಸುಚಿತ್ವ ಕಾಪಾಡಲು ನಗರಸಭೆಗೆ ಸೂಕ್ತ ನಿರ್ದೇಶನ ನೀಡಬೇಕು ಎಂದು ಒತ್ತಾಯಿಸಿದರು.