75 ಸಾವಿರ ರೂ. ನಕಲಿ ನೋಟು ವಶ: ಇಬ್ಬರ ಬಂಧನ

ನರಸಿಂಹರಾಜಪುರ : ನಕಲಿ ನೋಟನ್ನು ಚಲಾಯಿಸುತ್ತಿದ್ದ ಶಿವಮೊಗ್ಗ ನಿವಾಸಿಗಳಾದ ಸಂಕಭೋವಿ ಮತ್ತು ನಾಗರಾಜ್‌ ಎಂಬುವರನ್ನು ಶುಕ್ರವಾರ ಮಧ್ಯಾಹ್ನ ಪಟ್ಟಣದ ಪೊಲೀಸರು ಬಂಧಿಸಿ, 500 ರೂ. ಮುಖಬೆಲೆಯ 75 ಸಾವಿರ ರೂ.ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಘಟನೆ ವಿವರ : ತಾಲೂಕಿನ ಶೆಟ್ಟಿಕೊಪ್ಪದ ಎಂ.ವಿ.ಜಾರ್ಜ್‌ ಎಂಬುವವರ ಅಂಗಡಿಗೆ ಶುಕ್ರವಾರ ಮಧ್ಯಾಹ್ನ ಬಂದ ಆರೋಪಿಗಳು ವಸ್ತುಗಳನ್ನು ಖರೀದಿಸಿ, 500 ರೂ. ನೋಟು ನೀಡಿದ್ದಾರೆ. ನಂತರ ಜಾರ್ಜ್‌ ಅವರು ಪರಿಶೀಲಿಸಿದಾಗ ನೋಟು ನಕಲಿ ಎಂದು ತಿಳಿದು ಪೊಲೀಸರಿಗೆ ಮಾಹಿತಿ ನೀಡಿದ್ದಾರೆ. ತಕ್ಷ ಣ ಕಾರ್ಯಪ್ರವೃತ್ತರಾದ ಪೊಲೀಸರು ಮೆಣಸೂರು ಬೈಪಾಸ್‌ ಬಳಿ ಬೈಕಿನಲ್ಲಿ ಹೋಗುತ್ತಿದ್ದ ಇಬ್ಬರನ್ನು ಬಂಧಿಸಿ, ಬೈಕಿನ ಬ್ಯಾಗಿನಲ್ಲಿದ್ದ 500 ಮುಖ ಬೆಲೆಯ 75 ಸಾವಿರ ರೂ. ನಕಲಿ ನೋಟುಗಳನ್ನು ವಶಪಡಿಸಿಕೊಂಡಿದ್ದಾರೆ.