ಲೈಂಗಿಕ ಕಿರುಕುಳ ಆರೋಪಿ ಸಿಪಿಐ ಅಮಾನತಿಗೆ ಆಗ್ರಹ

ತರೀಕೆರೆ: ಹಾವೇರಿ ಜಿಲ್ಲೆ ಗುತ್ತಲ ತಾಂಡಾದ ಮಹಿಳೆಯೊಬ್ಬರಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಎನ್ನಲಾಗಿರುವ ಬ್ಯಾಡಗಿ ಪೊಲೀಸ್‌ ಠಾಣೆಯ ಸರ್ಕಲ್‌ ಇನ್ಸ್‌ಪೆಕ್ಟರ್‌ ಚಿದಾನಂದ್‌ ಅವರನ್ನು ಅಮಾನತುಗೊಳಿಸಬೇಕು ಎಂದು ಒತ್ತಾಯಿಸಿ ಗುರುವಾರ ತಾಲೂಕು ಬಂಜಾರ ಸೇವಾ ಸಮಿತಿ ಮತ್ತು ವಿಶ್ವ ಬಂಜಾರ ಪರಿಷತ್‌ ವತಿಯಿಂದ ಪಟ್ಟಣದ ಮಿನಿ ವಿಧಾನಸೌಧದಲ್ಲಿ ಉಪ ವಿಭಾಗಾಧಿಕಾರಿಗೆ ಮನವಿ ಸಲ್ಲಿಸಲಾಯಿತು.

ಸಮಿತಿ ಪದಾಧಿಕಾರಿಗಳಾದ ಯೋಗೇಂದ್ರನಾಯ್ಕ, ಶೇಖರನಾಯ್ಕ, ಚೆನ್ನಾನಾಯ್ಕ, ಅಣ್ಣಪ್ಪನಾಯ್ಕ, ವಿಜಯನಾಯ್ಕ, ನಾಗರಾಜನಾಯ್ಕ ಹಾಗೂ ಇತರರು ಹಾಜರಿದ್ದರು.