ಕಿರುಚಿತ್ರ ಸ್ಪರ್ಧೆ

ಚಿಕ್ಕಮಗಳೂರು: ಕರ್ನಾಟಕ ವಿಡಿಯೊ ಮತ್ತು ಫೋಟೊ ಅಸೋಸಿಯೇಷನ್‌ ಹಾಗೂ ಇಮೇಜ್‌ ಅಂಡ್‌ ಮಲ್ಟಿಮೀಡಿಯಾ ಅಕಾಡೆಮಿ ಟ್ರಸ್ಟ್‌ ಸಹಯೋಗದಲ್ಲಿ ಜೂ.28 ರಿಂದ 30ರವರೆಗೆ ಕಿರುಚಿತ್ರ ಸ್ಪರ್ಧೆ ಆಯೋಜಿಸಲಾಗಿದೆ.

ಬೆಂಗಳೂರಿನ ನೆಲಮಂಗಲದ ಬಿಐಇಸಿಯಲ್ಲಿ ನಡೆಯುವ ಫೋಟೊ ಟುಡೆ ಅಂತಾರಾಷ್ಟ್ರೀಯ ಛಾಯಾಗ್ರಹಣ ಸಂಬಂಧಿತ ವಸ್ತುಪ್ರದರ್ಶನದಲ್ಲಿ ಪ್ರದರ್ಶಿಸಿ ಆಯ್ಕೆಯಾಗುವ ಅತ್ಯುತ್ತಮ ಕಿರುಚಿತ್ರಗಳಿಗೆ ಕ್ರಮವಾಗಿ 25ಸಾವಿರ, 15 ಸಾವಿರ ಹಾಗೂ 10ಸಾವಿರ ನಗದು ಬಹುಮಾನ, ನೆನಪಿನ ಕಾಣಿಕೆ ನೀಡಲಾಗುವುದು. ದೇಶ ವಿದೇಶಗಳಲ್ಲಿ ಫೋಟೊ ಎಕ್ಸ್‌ಪೋ ಖ್ಯಾತಿಯ ಬೈಸೆಲ್‌ ಇಂಟರಾರ‍ಯಕ್ಷನ್‌ ಪ್ರೈ ಲಿ ನಿಂದ ಸ್ಪರ್ಧಿಸಿದ ಎಲ್ಲರಿಗೂ ಪ್ರಮಾಣಪತ್ರ ನೀಡಲಾಗುವುದು. ನೀರು ಅತ್ಯಮೂಲ್ಯ, ನೀರು ಉಳಿಸಿ, ನಾನೇಕೆ ಮತದಾನ ಮಾಡಬೇಕು, ನಮ್ಮ ನಗರ, ಮದುವೆಯ ಭಾವನಾತ್ಮಕ ಸಂದರ್ಭ ವಿಷಯಗಳ ಬಗ್ಗೆ ಜೂ.20ರೊಳಗೆ ಕಿರುಚಿತ್ರ ಕಳಿಸಬೇಕು. ಮಾಹಿತಿಗೆ ಎಸ್‌.ರಾಜಶೇಖರ್‌ (9448831288), ರಮೇಶ್‌ಬಾಬು (9845212903) ಅವರನ್ನು ಸಂಪರ್ಕಿಸಬಹುದು ಎಂದು ಪ್ರಕಟಣೆ ತಿಳಿಸಿದೆ.