ಕೊಪ್ಪದಲ್ಲಿ ಮಾಲ್ಗುಡಿ ಡೇಸ್‌ ಚಿತ್ರೀಕರಣ

ಕೊಪ್ಪ : ಪಟ್ಟಣದ ಎ.ಎಲ್‌.ಎನ್‌.ರಾವ್‌ ಸ್ಮಾರಕ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಆವರಣದಲ್ಲಿ ಗುರುವಾರ ಮಾಲ್ಗುಡಿ ಡೇಸ್‌ ಎಂಬ ಚಲನಚಿತ್ರದ ಚಿತ್ರೀಕರಣ ನಡೆಯಿತು.

ಸ್ವಯಂಪ್ರಭ ಎಂಟರ್‌ಟೈನ್‌ಮೆಂಟ್‌ ಅಂಡ್‌ ಪ್ರೊಡಕ್ಷ ನ್‌ ಸಂಸ್ಥೆ ಬ್ಯಾನರ್‌ ಅಡಿಯಲ್ಲಿ ಕೆ.ರತ್ನಾಕರ ಕಾಮತ್‌ ಚಲನಚಿತ್ರ ನಿರ್ಮಿಸುತ್ತಿದ್ದಾರೆ. ಖ್ಯಾತ ತುಳು ಸಿನೆಮಾ ಅಪ್ಪೆ ಟೀಚರ್‌ ನಿರ್ದೇಶಕ ಕಿಶೋರ್‌ ಮೂಡುಬಿದ್ರೆ ಅವರ ನಿರ್ದೇಶನ ಇದೆ. ಚಿತ್ರದಲ್ಲಿ ವಿಜಯ್‌ ರಾಘವೇಂದ್ರ ನಾಯಕರಾಗಿ, ಹೊಸ ಪರಿಚಯ ಗ್ರೀಷ್ಮಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಉದಯಲೀಲಾ(ಛಾಯಾಗ್ರಹಣ), ಪ್ರದೀಪ್‌ ನಾಯಕ್‌(ಸಂಕಲನ), ಗಗನೆ ಬಡೇರಿಯಾ(ಸಂಗೀತ), ಅಶ್ವಿನ್‌ ರಮೇಶ್‌(ಪ್ರಚಾರ ಕಲೆ),ರವಿಶಂಕರ್‌ ಪೈ(ಕಾರ್ಯಕಾರಿ ನಿರ್ಮಾಪಕ) ಇದ್ದಾರೆ. ನಿರ್ದೇಶನ ತಂಡದಲ್ಲಿ ಸಾತ್ವಿಕ್‌ ಹೆಬ್ಬಾರ್‌, ಸಂದೀಪ್‌ ಬೆದ್ರ, ಕರುಣಾಕರ ಉಡುಪಿ, ಶಶಾಂಕ್‌ ನಾರಾಯಣ್‌ ಸಹಕರಿಸುತ್ತಿದ್ದಾರೆ.ನಿರ್ದೇಶಕ ಕಿಶೋರ್‌ ಮೂಡುಬಿದ್ರೆ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದಿದ್ದಾರೆ. ಈಗಾಗಲೆ ತಂಡವು ಬೆಂಗಳೂರು, ಮೈಸೂರು, ತೀರ್ಥಹಳ್ಳಿ, ಕಳಸ ಮತ್ತಿತರ ಮಲೆನಾಡು ಭಾಗದಲ್ಲಿ ಮೊದಲ ಹಂತದ ಚಿತ್ರೀಕರಣ ಮುಗಿಸಿದೆ. ಪ್ರಸ್ತುತ ಎರಡನೆ ಹಂತದ ಚಿತ್ರೀಕರಣ ಆಯೋಜಿಸಲಾಗಿದೆ. ಶಂಕರ್‌ ನಾಗ್‌ ನಿರ್ದೇಶನದ ಮಾಲ್ಗುಡಿ ಡೇಸ್‌ ಧಾರವಾಹಿಗೂ ಇದಕ್ಕೂ ಯಾವುದೆ ಸಂಭಂಧವಿಲ್ಲ. ಕೇವಲ ಶೀರ್ಷಿಕೆಯನ್ನು ಬಳಸಿದ್ದು ಕಥೆ ಹೊಸತನದಿಂದ ಕೂಡಿದೆ ಎಂದು ನಿರ್ದೇಶಕ ಕಿಶೋರ್‌ ಮೂಡುಬಿದ್ರೆ ತಿಳಿಸಿದ್ದಾರೆ.