ಕಡೂರು-ಚಿಕ್ಕಮಗಳೂರು ಹೆದ್ದಾರಿಗೆ ಸಮೀಕ್ಷೆ

ಚಿಕ್ಕಮಗಳೂರು : ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದಿಂದ ಮಂಜೂರಾಗಿರುವ ಕಡೂರು ಕನಕ ಸರ್ಕಲ್‌ನಿಂದ ಚಿಕ್ಕಮಗಳೂರು ಬಂಟರ ಭವನದವರೆಗಿನ ರಸ್ತೆ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಶನಿವಾರ ಹೆದ್ದಾರಿ ಪ್ರಾಧಿಕಾರದ ಎಂಜಿನಿಯರ್‌ಗಳ ಜತೆ ಶಾಸಕ ಸಿ.ಟಿ.ರವಿ ಸಮೀಕ್ಷೆ, ಚರ್ಚೆ ನಡೆಸಿದರು.

ರಸ್ತೆಯನ್ನು ಅಭಿವೃದ್ಧಿಪಡಿಸುವ ಜತೆಗೆ ಈ ಮಾರ್ಗದಲ್ಲಿ ಬರುವ ಸೇತುವೆಗಳು, ಸರ್ಕಲ್‌ಗಳ ಅಭಿವೃದ್ಧಿ ಕೈಗೆತ್ತಿಕೊಳ್ಳಲಾಗುವುದು. ಈ ಬಗ್ಗೆ ವೈಜ್ಞಾನಿಕವಾಗಿ ನಿಯಮಾನುಸಾರ ಅಭಿವೃದ್ಧಿಪಡಿಸಲು ಹಾಗೂ ಗುಣಮಟ್ಟದ ರಸ್ತೆ, ಸೇತುವೆಗಳ ನಿರ್ಮಾಣಕ್ಕೆ ಎಂಜಿನಿಯರ್‌ಗಳು ಸಮರ್ಪಕವಾಗಿ ಕಾರ‍್ಯ ನಿರ್ವಹಿಸಬೇಕು ಎಂದು ಸಿ.ಟಿ.ರವಿ ಸೂಚಿಸಿದರು.

ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಎಂಜಿನಿಯರ್‌ಗಳಾದ ರವಿರಂಗಪ್ಪ, ಶಶಿಕುಮಾರ್‌, ಮುನಿರಾಜ್‌, ನಗರಸಭೆ ಎಂಜಿನಿಯರ್‌ ಲೋಕೇಶ್‌, ಒಳಚರಂಡಿ ಇಲಾಖೆ ಸಹಾಯಕ ಕಾರ‍್ಯಪಾಲಕ ಎಂಜಿನಿಯರ್‌ ಮಾರುತಿ, ನಗರಸಭೆ ಸದಸ್ಯ ಎಚ್‌.ಡಿ.ತಮ್ಮಯ್ಯ, ಜಿ.ಪಂ. ಸದಸ್ಯರಾದ ಸೋಮಶೇಖರ್‌, ಹಿರಿಗಯ್ಯ, ಪದ್ಮನಂದನ ಜೈನ್‌ ಮತ್ತಿತರರು ಹಾಜರಿದ್ದರು.