ಮರದ ದಿಮ್ಮಿ ಉರುಳಿ ಕಾರ್ಮಿಕನ ಸಾವು

ಕೊಪ್ಪ : ತಾಲೂಕಿನ ಕಾಳನಾಯ್ಕನ ಕಟ್ಟೆ ಬಳಿಯ ಕಲ್ಮಕ್ಕಿ ಕಾಡಿನಲ್ಲಿ ಮರದ ದಿಮ್ಮಿ ಲೋಡ್‌ ಮಾಡುತ್ತಿದ್ದ ಕಾರ್ಮಿಕನೊಬ್ಬ ಮೃತಪಟ್ಟ ಘಟನೆ ಗುರುವಾರ ಸಂಭವಿಸಿದೆ.

ಮೃತ ಕಾರ್ಮಿಕನನ್ನು ತಾಲೂಕಿನ ಜೋಗಿಸರದ ನಾಸಿರ್‌(31) ಎಂದು ಗುರುತಿಸಲಾಗಿದೆ.

ಕೇಶವಮೂರ್ತಿ ಎಂಬುವವರ ಜಾಗದಲ್ಲಿ ಅಕೇಶಿಯಾ ಮರದ ದಿಮ್ಮಿ ಲೋಡ್‌ ಮಾಡಲು ಎತ್ತಿಕೊಂಡು ಹೋಗುತ್ತಿದ್ದಾಗ ಜಾರಿ ಬಿದ್ದು ಮೃತ ಪಟ್ಟಿದ್ದಾರೆ.

ಹರಿಹರಪುರ ಪೊಲೀಸರು ಸುರಕ್ಷ ತಾ ಕ್ರಮ ವಹಿಸದೆ ಇದ್ದುದಕ್ಕಾಗಿ ಜಾಗದ ಮಾಲೀಕ ಕೇಶವಮೂರ್ತಿ ಮತ್ತು ಗುತ್ತಿಗೆದಾರ ಮಂಗಳೂರಿನ ಫೈಜಲ್‌ ವಿರುದ್ಧ ನಿರ್ಲಕ್ಷ್ಯತೆ ಆರೋಪದ ಮೇಲೆ ದೂರು ದಾಖಲಿಸಿದ್ದಾರೆ.