ಹೆದ್ದಾರಿಗೆ ಮರ ಬಿದ್ದು ಟ್ರಾಫಿಕ್‌ ಜಾಮ್‌

ಆಲ್ದೂರು : ಚಿಕ್ಕಮಗಳೂರು-ಮೂಡಿಗೆರೆ ರಾಷ್ಟ್ರಿಯ ಹೆದ್ದಾರಿ 173ರ ಕಬ್ಬಿಣ ಸೇತುವೆ ಬಳಿ ಭಾನುವಾರ ಸಂಜೆ ರಸ್ತೆಗೆ ಮರ ಅಡ್ಡ ಬಿದ್ದ ಪರಿಣಾಮ ಮೂಡಿಗೆರೆ,ಧರ್ಮಸ್ಥಳ,ಮಂಗಳೂರು ಕಡೆ ಹಾಗೂ ಚಿಕ್ಕಮಗಳೂರು ಕಡೆಗೆ ಬರುವ ಪ್ರಯಾಣಿಕರು ಒಂದು ಗಂಟೆಗೂ ಹೆಚ್ಚು ಕಾಲ ತೊಂದರೆ ಅನುಭವಿಸಿದರು.

ನಂತರ ವಾಹನ ಸವಾರರು ಹಾಗೂ ಬಸ್ಸಿನಲ್ಲಿದ್ದ ಪ್ರಯಾಣಿಕರು ತಾವೇ ಮರವನ್ನು ತೆರವುಗೊಳಿಸಿದರು. ನಂತರ ಸಾಲುಗಟ್ಟಿ ನಿಂತಿದ್ದ ವಾಹನಗಳು ಮುಂದೆ ಸಾಗಿದವು.ಭಾನುವಾರ ಬೆಳಿಗ್ಗೆಯಿಂದ ಮಳೆ ಬಿರುಸುಗೊಂಡಿದ್ದು ಮಳೆಯ ಜತೆಗೆ ಗಾಳಿಯು ರಭಸವಾಗಿ ಬೀಸುತ್ತಿದೆ.