ಕಾಡುಕೋಣ ದಾಳಿ, ಗಂಭೀರ ಗಾಯ

ಕಳಸ : ಬಿಳುಗೂರು ಗ್ರಾಮ ವ್ಯಾಪ್ತಿಯ ತೋಟವೊಂದರಲ್ಲಿ ಕೆಲಸ ಮಾಡುತ್ತಿದ್ದ ವೇಳೆ ಕಾಡು ಕೋಣ ದಾಳಿ ಮಾಡಿ ವ್ಯಕ್ತಿಯೊಬ್ಬರನ್ನು ಗಂಭೀರ ಗಾಯ ಗೊಳಿಸಿದ ಘಟನೆ ನಡೆದಿದೆ.

ಬಿಳುಗೂರಿನ ಚನ್ನಪ್ಪ(35) ಗಾಯಗೊಂಡವರು.

ಚನ್ನಪ್ಪ ಅವರು ಬಿಳುಗೂರಿನ ಶ್ಯಾಮ ಶೆಟ್ಟಿ ಅವರ ಕಾಫಿ ತೋಟದಲ್ಲಿ ಕೆಲಸ ಮಾಡುತ್ತಿದ್ದಾಗ ಕಾಫಿ ಗಿಡದ ಮಧ್ಯೆ ಇದ್ದ ಕಾಡು ಕೋಣ ಏಕಾಏಕಿ ದಾಳಿ ಮಾಡಿದೆ. ತನ್ನ ಕೊಂಬುಗಳಿಂದ ಚನ್ನಪ್ಪ ಅವರ ಕುತ್ತಿಗೆಗೆ ತಿವಿದು ಗಂಭೀರ ಗಾಯಗೊಳಿಸಿದೆ. ಗಾಯಾಳುವಿಗೆ ಕೂಡಲೇ ಬಾಳೆಹೊಳೆ, ಕಳಸ ಆಸ್ಪತ್ರೆಗಳಲ್ಲಿ ಪ್ರಥಮ ಚಿಕಿತ್ಸೆ ನೀಡಿ ನಂತರ ಮಂಗಳೂರಿನ ಖಾಸಾಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ. ಸ್ಥಳಕ್ಕೆ ಕಳಸ ಅರಣ್ಯ ಇಲಾಖೆ ಬೇಟಿ ನೀಡಿ ಸ್ಥಳ ಪರಿಶೀಲನೆ ಮಾಡಿದ್ದಾರೆ