ಉಡ ಬೇಟೆ ; ನಾಲ್ವರ ಬಂಧನ

ಮೂಡಿಗೆರೆ : ತಾಲೂಕಿನ ಬೆಟ್ಟಗೆರೆ ಮತ್ತು ತ್ರಿಪುರ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಉಡವನ್ನು ಕೊಂದು ಮಾಂಸ ಮತ್ತು ರಕ್ತ ಮಾರಾಟ ಮಾಡುವ ನಾಲ್ವರನ್ನು ಅರಣ್ಯ ಇಲಾಖೆ ಅಧಿಕಾರಿಗಳು ಶನಿವಾರ ಬಂಧಿಸಿದ್ದಾರೆ.

ಆರೋಪಿಗಳಾದ ಚಿದಾನಂದ (30), ಸುನಿಲ್‌ (31) ದಿನೇಶ್‌ (32) ರಾಮಣ್ಣ (45) ಬಂಧಿತರು. ಬೆಟ್ಟಗೆರೆ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಉಡವನ್ನು ಕೊಂದು ಅದರ ರಕ್ತ ಮತ್ತು ಮಾಂಸ ಮಾರಾಟ ಮಾಡುತ್ತಿದ್ದರು.

ಶುಕ್ರವಾರ ಬೆಳಗ್ಗೆ ಬೇಟೆಗಾರರು ಉಡವನ್ನು ಹೊಡೆದು ಕೊಲ್ಲುವುದನ್ನು ನೋಡಿದ ದಾರಿಹೋಕರು ಅದರ ವೀಡಿಯೋ ತೆಗೆದು ಸಾಮಾಜಿಕ ಜಲತಾಣಕ್ಕೆ ಹರಿಬಿಟ್ಟಿದ್ದರು. ಅದನ್ನು ಗಮನಿಸಿದ ಅರಣ್ಯ ಅಧಿಕಾರಿಗಳು ಆರೋಪಿಗಳ ಜಾಡು ಹಿಡಿದು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ತನಿಖೆಯ ಸಮಯದಲ್ಲಿ ಸ್ನೇಹಿತರ ಹಾಗೂ ಪರಿಚಯಸ್ಥರ ಸಹಾಯದಿಂದ ಫೋನ್‌ ಮೂಲಕ ಮಾರಾಟ ಮಾಡುತ್ತಿರುವುದಾಗಿ ತಿಳಿಸಿದ್ದಾರೆ.