ಭದ್ರಾ ಚಾನೆಲ್‌ ಪಾಲಾದ ಬಾಲಕ

ತರೀಕೆರೆ ಗ್ರಾಮಾಂತರ: ಎಂ.ಸಿ.ಹಳ್ಳಿ ಸಮೀಪದ ಭದ್ರಾ ಚಾನೆಲ್‌ನಲ್ಲಿ ಬಾಲಕನೋರ್ವ ಮುಳುಗಿರುವ ಘಟನೆ ಬುಧವಾರ ಮಧ್ಯಾಹ್ನ ನಡೆದಿದೆ.

ದೋರನಾಳು ಗ್ರಾಮದ ಸುಹಾಸ್‌ (14) ಚಾನಲ್‌ನಲ್ಲಿ ಮುಳುಗಿರುವ ಬಾಲಕ. ಭದ್ರಾ ಚಾನಲ್‌ನಲ್ಲಿ ಬಟ್ಟೆ ತೊಳೆಯಲೆಂದು ತೆರಳಿದ್ದ ಪೋಷಕರೊಂದಿಗೆ ಈತ ಹೋಗಿದ್ದ. ಬಟ್ಟೆ ತೊಳೆಯುತ್ತಿದ್ದ ಪೋಷಕರು ನೋಡುತ್ತಿದ್ದಂತೆಯೇ ಬಾಲಕ ಆಕಸ್ಮಿಕವಾಗಿ ಕಾಲು ಜಾರಿ ನೀರಿಗೆ ಬಿದ್ದಿದ್ದಾನೆ. ಬಾಲಕನನ್ನು ಕಾಪಾಡಲು ಮಾಡಿದ ಪ್ರಯತ್ನ ವಿಫಲವಾಗಿದ್ದು, ಬಾಲಕ ನಾಪತ್ತೆಯಾಗಿದ್ದಾನೆ.

ಅಗ್ನಿಶಾಮಕ ದಳ, ಪೊಲೀಸ್‌ ಸಿಬ್ಬಂಧಿ ಬಾಲಕನ ಪತ್ತೆಗಾಗಿ ಹುಡುಕಾಟ ನಡೆಸುತ್ತಿದ್ದಾರೆ ಎಂದು ಪೊಲೀಸ್‌ ನಿರೀಕ್ಷ ಕ ಜಯಂತ್‌ ಎಲ್‌.ಗೌಳಿ ತಿಳಿಸಿದ್ದಾರೆ.